Birna Lofts­dóttir, annar stærsti hlut­hafi Hvals hf. og systir Krist­jáns Lofts­sonar for­stjóra, segir að lík­lega verði engar hval­veiðar hjá fyr­ir­tæk­inu í sumar þrátt fyrir að mat­væla­ráð­herra, Bjarkey Gunn­ars­dóttir, hafi gefið út veiði­leyfi til fyr­ir­tæk­is­ins sem og kvóta upp á 128 lang­reyðar. „Að sjálf­sögðu ekki,“ segir hún við Heim­ild­ina. 

Ákvörðun Bjarkeyjar um leyf­is­veit­ing­arnar var afar umdeild, bæði hjá fylg­is­mönnum sem og and­stæð­ingum hval­veiða. 

Kristján, bróðir Birnu, sagði í vik­unni að lík­lega verði ekki af hval­veiðum í sumar þrátt fyrir leyf­is­veit­ing­arnar þar sem ekki sé tími til að skipu­leggja veið­arnar af því leyfin komi svo seint. „Ég sé ekki fyr­ir mér að orðið geti af hval­veiðum í sum­ar.“ Þau systk­inin eru börn eins stofn­enda Hvals hf., Lofts Bjarna­sonar, og erfðu þau hluta­bréfin í félag­inu. 

Birna seg­ist ekki geta bætt miklu við þessi orð Krist­jáns. „Ef hann segir að það verði ekki veitt þá verður ekki veitt. Ég hef engu við það að bæta.“ Aðspurð hvaða skoðun hún hafi á því að Hvalur ætli sér ekki að veiða hval í sumar seg­ist hún ekki vilja svara því.