Bíó­gestir skynja umhverfið með mis­jöfnum hætti, rétt eins og fólk upp­lifir kvik­myndir á ólíkan hátt. „Við erum mis­næm fyrir áreiti í umhverf­inu og eins er virkni skyn­fær­anna ólík. Skynsegin sýn­ing er löguð að fólk á þann hátt að öllu áreiti í hús­inu er stillt í hóf,“ segir Lísa Atten­sperger verk­efna­stjóri hjá Bíó Paradís aðspurð hvernig staðið er að slíkri sýn­ingu.

Núna á föstu­dag­inn 24. maí verður sér­stök skynsegin sýn­ing á Grease klukkan 18:30 með Sing-A-Long söng­textum sem birt­ast undir lög­unum.

Lísa útskýrir að dempuð sé bæði tón­list og umgangur fólks – og annað hljóð­bært. Jafn­framt er hugsað út í tíma­setn­ingar, til dæmis séu engar aug­lýs­ingar eða sýn­is­horn á undan mynd­inni. „Og ljósin í salnum eru kveikt til hálfs allan tím­ann. Eins er hálf­opið fram svo fólk fái frelsi til að standa upp og hreyfa sig þegar það vill. Það er heldur ekk­ert hlé á mynd­inni. Svo reynum …