Baldur segist persónulega vera á móti íslenskum her

Baldur Þór­halls­son for­seta­fram­bjóð­andi seg­ist aðspurður vera á móti því að stofn­aður verði her á Íslandi. En Baldur hefur áður viðrað þá hug­mynd að koma upp ein­hvers konar varnar- eða her­liði á Íslandi sem gæti varist inn­rás á landið þangað til að liðs­auki bær­ist frá NATO.

„Ég hef aldrei lagt til að við eigum að stofna her. Ég er per­sónu­lega algjör­lega á móti því að við eigum að stofna her,“ segir hann. Baldur vísar því þó á bug að um grín hafi verið að ræða þegar hann ræddi um varn­ar­liðið. „Þarna var ég að tala sem fræði­maður og var ein­fald­lega að svara spurn­ingu blaða­manna.“

Þetta sagði Baldur í nýjasta þætti Pressu. Í þætt­inum stóðu þrír aðrir fram­bjóð­endur einnig fyrir svörum – Jón Gnarr, Halla Hrund Loga­dóttir og Katrín Jak­obs­dóttir. En þau eru þeir for­seta­fram­bjóð­endur sem mæl­ast með hvað mest fylgi fyrir kom­andi kosn­ingar.  

Ísland eigi ekki að taka upp símsvara sem tilkynni um uppgjöf

Vísar Baldur til þess að nýrri og hættu­legri heimur blasi nú við vegna stríðs­á­stands í Evrópu. Hann hafi því verið spurður að því hvar honum þætti að huga ætti betur að öryggis- eða varn­ar­málum. Hann seg­ist þó aldrei hafa lagt til að stofn­aður verði her hér­lendis. 

Þú tal­aðir um útfærslu sem er 100 manna her. Hvað á hann að gera?

„Í þessu sam­hengi hefur verið vísað til rík­is­lög­reglu­stjóra og lög­regl­unnar, öryggi á Kefla­vík­ur­flug­velli. Ég er að lenda í mjög svip­uðu og því sem Guðni Th. Jóhann­es­son lenti í í sinni kosn­inga­bar­áttu fyrir átta árum þegar mönnum fannst hann alls ekki vera nógu þjóð­legur því hann tal­aði um hver afstaða Breta var í þorska­stríð­unum.“

Hvað mein­arðu að þú sért að lenda í? Það er verið að spyrja þig út í ummæli sem eru bara mjög skýr. Það var líka þannig að þú tókst þetta upp á Facebook-síð­unni þinni. Væri ekki miklu eðli­legra að gera það sem Mogens Glistrup stakk upp á? Að taka upp  hérna sím­svara sem segði á rúss­nesku, og eftir atvikum kín­versku, sem segði bara: „Við gef­umst upp.“ 

Þessu sagð­ist Baldur vera algjör­lega ósam­mála. Hann hefði talað mikið fyrir því að Ísland ynni með sínum nán­ustu banda­lags­ríkjum. Að huga ætti að öllum vörnum. Hvort sem um ræddi almanna­ör­yggi, fæðu­ör­yggi eða orku­ör­yggi til dæmis. „Við verðum að huga að þessu,“ segir hann.

Hér má horfa á Pressu í heild sinni þar sem for­seta­fram­bjóð­end­urnir fjórir mætt­ust. Fyrri helm­ingur þátt­ar­ins er aðgengi­legur öllum en þátt­ur­inn í heild sinni er aðgengi­legur áskrif­endum.