Kristrún Frosta­dóttir, for­maður Sam­fylk­ing­ar­innar, kynnti í dag útlistun á mark­miðum flokks­ins sem hann myndi fram­kvæmda kæm­ist hann í rík­is­stjórn á næsta kjör­tíma­bili. Mark­miðin snúa mest að orku-, atvinnu- og sam­göngu­málum.

Flokk­ur­inn er gagn­rýn­inn á aðgerða­leysi núver­andi rík­is­stjórnar í mála­flokk­unum og seg­ist vera til­bú­inn „til fram­kvæmda frá fyrsta degi í nýrri rík­is­stjórn – fáum við þess umboð í kosn­ingum.“ En núver­andi rík­is­stjórn hóf fram­kvæmdir við engin jarð­göng og engar virkj­anir yfir 10 MW óháð teg­und.

Vilja auka ársframleiðslu á raforku um 5 TWh á 10 árum

Sam­fylk­ingin hyggst halda sig við ramma­á­ætun hvað við kemur virkj­unum. Hún vill gæta jafn­vægis milli orku­nýt­ingar og nátt­úru­verndar með ramma­á­ætlun og tryggja að virkj­un­ar­kostir í nýt­ing­ar­flokki geti staðið undir mark­miðum um orku­öflun.

Hún vill þó fjölga kostum í nýt­ing­ar­flokki og flýta orku­fram­kvæmdum sem hafa verið sam­þykktar í nýt­ing­ar­flokk ramma­á­ætl­unar. Sam­fylk­ingin vill auka árs­fram­leiðslu á raf­orku um 5 TWh á ári á næstu 10 árum. Enn …