„Þetta var munn­leg lýs­ing á því að það þyrfti mögu­lega að aflífa okkar starfs­menn. Þeim var hótað í raun og veru bara líf­láti,“ segir Hrönn Ólína Jör­unds­dóttir, for­stjóri Mat­væla­stofn­unar, í sam­tali við Heim­ild­ina. „Þetta kemur það skyndi­lega upp að við­kom­andi var ekki við­bú­inn.“

Hrönn Ólína Jör­unds­dóttirFram­kvæmda­stjóri Mat­væla­stofn­unar

Mynd: MAST

Tveir eft­ir­lits­menn Mat­væla­stofn­unar (MAST) voru saman að taka út mat­væla­fyr­ir­tæki. Var þeim ógnað af starfs­manni fyr­ir­tæk­is­ins með þannig orð­ræðu að MAST taldi mik­il­vægt að kæra aðil­ann.

„Þetta líðst ekki. Það er skýrt sam­kvæmt lögum að allar hót­anir gagn­vart opin­berum starfs­mönnum, hvort sem það er með orði eða gerðum, er lög­brot.“ Segir Hrönn mark­miðið ekki vera að ásaka ákveðin fyr­ir­tæki heldur sé þetta for­vörn fyrir starfs­fólk MAST. „Við lítum á þetta sem okkar leið til að verja okkar fólk þegar það er úti á örk­inni, oft­ast eitt, að ef upp koma ein­hverjar aðstæður þar sem fólk­inu okkar er ógnað munn­lega, hótun um lík­am­legt ofbeldi eða mögu­lega ráð­ist á fólkið okkar, þá er það umsvifa­laust kært og birt frétt á síð­unni okkar. Þetta von­andi gefur þau skila­boð út í sam­fé­lagið að við lítum þetta mjög alvar­legum augum. Öryggi okkar fólks er fyrir öllu.“

Hrönn segir þetta sem betur fer ekki ger­ast mjög oft. „En þetta engu að síður kemur fyrir.“ Verklag MAST er með þeim hætti að ef starfs­maður upp­lifir að aðstæður séu ótraustar eða ógn­andi, þá á hann umsvifa­laust að til­kynna eft­ir­lits­þega um slíkt og að eft­ir­liti verði haldið áfram síðar og þá mögu­lega við annan mann. 

Atvik hafa áður verið tilkynnt til lögreglunnar

Í mars 2022 óskaði MAST eftir lög­reglu rann­sókn á öðru atviki þar sem starfs­maður stofn­un­ar­innar var að sinna eft­ir­liti var hótað. Kemur fram í frétt sem MAST birti þá að þetta hafi verið þriðja til­kynn­ingin á þremur árum þar sem máli er vísað til lög­regl­unnar vegna þess að veist var að eft­ir­lits­manni stofn­un­ar­innar við störf. 

„Við erum að sjá það að þetta er algeng­ara með kven­kyns starfs­fólk okkar heldur en karl­kyns.“ MAST heldur ekki utan um kynja­skiptan fjölda atvika heldur ein­göngu heild­ar­fjölda til­kynntra atvika. Segir Hrönn að ein­hverra hluta vegna virð­ist starfs­fólki fyr­ir­tækja sem starfs­menn MAST eru að taka út, þykja meira í lagi að leyfa sér meira gagn­vart konum en körlum.