„Það mun taka nokkra daga að tengja nýju lögn­ina,“ segir Páll Erland, for­stjóri HS Veitna. „Það eru ein­hverjir þegar farnir að finna fyrir þrýst­ings­leysi á kerf­inu. Þeir sem eru lengst frá Fitjum.“

Heitt vatn er hætt að ber­ast í miðl­un­ar­t­anka sem stað­settir eru á Fitjum, þar sem hraun hefur flætt yfir og slitið í sundur heita­vatns­lögn­ina sem liggur þangað úr Svarts­engi. Nokkra klukku­tíma tekur fyrir birgðir í tönk­unum að klár­ast.

„Í fram­haldi af því verður heita­vatns­laust í Reykja­nesbæ, Suð­ur­nesjabæ og Vogum,“ útskýrir Páll. 

Þegar heita­vatnið verður búið má gera ráð fyrir að hús á svæð­inu kólni fljótt. Almanna­varnir hafa beint því til íbúa á svæð­inu að fara spar­lega með heitt vatn. Páll tekur undir þær ráð­legg­ingar. 

„Það sem íbúar geta gert er að reyna að halda varma í húsum sínum …