Þessi grein birtist fyrir meira en ári.

Kæra meint dýraníð blóðmera til lögreglu

Dýra­vernd­un­ar­sam­tök hafa kært of­beldi gegn mer­um og fol­öld­um og óvið­un­andi að­bún­að við blóð­töku til lög­regl­unn­ar. Segja þau að mik­ið liggi við að mál­ið verði rann­sak­að og of­beld­ið stöðv­að.

Kæra meint dýraníð blóðmera til lögreglu
Spörk Í heimildarmyndinni sést þegar karlmaður sparkar í hryssur og folöld, m.a. í snoppu einnar hryssunnar þegar hún var komin inn á blóðtökubásinn. Mynd: AWF og TSB

Þýsk og svissnesk dýraverndunarsamtök hafa lagt fram kæru vegna dýraníðs og brota gegn lögum um velferð dýra. Fara samtökin þess á leit við lögregluyfirvöld að málið, sem tengist blóðmerahaldi, verði sett í farveg ákærumeðferðar enda telja þau gögn liggja fyrir sem sýni alvarlegt ofbeldi gegn hestum sem mikið liggi við að verði rannsakað, stöðvað og gerð viðeigandi refsing fyrir.

Lögmannsstofan Réttur lagði kæruna fram hjá Lögreglunni á höfuðborgarsvæðinu fyrir hönd samtakanna.

Dýraverndunarsamtökin Tierschutzbund Zürich (TSB) og Animal Welfare Foundation (AWF) hafa nú í nokkur ár rannsakað aðbúnað mera sem nýttar eru í blóðmeraiðnaðinum hér á landi. Hafa þau birt tvær heimildarmyndir um rannsóknir sínar. Sú seinni var birt í lok nóvember í fyrra og í henni var að finna myndefni frá tveimur bæjum þar sem blóðmerahald er stundað. Í kærunni segir að bæði aðstæður og aðbúnaður hestanna sé ófullnægjandi „en einnig eru aðgerðir og háttsemi þeirra sem sjá um [merarnar] ofbeldisfull og varða við lög“. Á myndefninu sést að ítrekað er sparkað í hryssur og folöld þeirra, „þar á meðal á sér stað kröftugt spark í andlit hryssu sem er föst í búri“.

Samtökin rekja í kæru sinni að á öðrum bænum sem myndefnið er frá sjáist maður, sem ekki er dýralæknir, ganga erfiðlega að framkvæma blóðtöku og stinga hryssu ítrekað í hálsinn í allt að eina mínútu. Það sé „augljóslega til þess fallið að valda hryssunum þjáningu og vanlíðan“ og skapi auk þess sýkingarhættu. „Í ofanálag er ofbeldisfull meðferð mannsins á dýrunum staðreynd, hann notar spýtu við að berja hryssurnar áfram“, segir enn fremur í kærunni. Þar eru svo rakin fleiri atvik, m.a. spörk í kvið mera og í folöld.

Ill meðferð á dýrum bönnuð samkvæmt lögum

Á hinum bænum sem myndefnið er frá megi sjá hryssurnar skella höfði ítrekað í viðarplanka á blóðtökubásum og kippast til þegar þær eru stungnar með bornál til blóðtökunnar. „Höfuð nokkurra hryssa er bundið svo hátt upp að hálsinn er yfirstrekktur og í afar óþægilegri stöðu fyrir blóðtöku.“

„Í tilviki einnar hryssu tekur það konu á myndbandinu þrjár tilraunir að finna æð og stingur þar af leiðandi hryssuna þrisvar sinnum, sem sýnir mikla mótspyrnu vegna sársaukans“
Úr kæru samtakanna til lögreglunnar.

Samtökin telja að háttsemi sú sem myndefnið sýni sé í bága við lög um dýravelferð sem banni illa meðferð dýra og kveði á um að umráðamönnum beri að tryggja dýrum góða umönnun og vernda þau gegn meiðslum.

Brotin, sérstaklega á öðrum bænum, hafi verið framin af ásetningi og telja samtökin þau stórfelld. Þá segja samtökin aðfarirnar ekki vera í samræmi við þágildandi reglugerð um blóðtöku úr fylfullum hryssum og ekki heldur við núgildandi reglugerð.

Samtökin telja ljóst að fyrirliggjandi upplýsingar og skýringar á þeim atvikum sem fram komu í heimildarmyndinni sýni fram á refsiverða háttsemi. Þau segjast samstarfsfús og bjóðast til að aðstoða við að tryggja öll sönnunargögn málsins.

Matvælastofnun gerði forrannsókn á efni heimildarmyndarinnar sem kom út í nóvember og vísaði málinu í kjölfarið til lögreglunnar á Suðurlandi. Það embætti hafði áður hætt rannsókn á máli er varðaði ofbeldi gegn blóðmerum sem afhjúpað var í fyrri heimildarmynd samtakanna. Sú mynd kom út árið 2021 og vakti óhug hér á landi og víðar.

Fyrirtækið Ísteka semur við bændur um blóðtökurnar og vinnur hormón úr merarblóðinu sem notað er til að auka frjósemi búfénaðar, aðallega í Þýskalandi.

Kjósa
21
Hvernig finnst þér þessi grein? Skráðu þig inn til að kjósa.

Athugasemdir (2)

Skráðu þig inn til að skrifa athugasemd eða kjósa.
  • Helga Óskarsdóttir skrifaði
    Eru Íslendingar siðlausir andskotar?
    0
  • Jóhanna Harðardóttir skrifaði
    Það er með ólíkindum að þessi viðbjóður skuli enn vera leyfður hér á Íslandi. Þetta er dýraníð sem Stundað er eingöngu til að fóðra annað dýraníð. Hætta þessu strax!
    3
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár