Brynjar Níelsson, fyrrverandi þingmaður Sjálfstæðisflokksins, hefur hafið störf í fjármála- og efnahagsráðuneytinu. Þetta staðfestir Elva Björk Sverrisdóttir, upplýsingafulltrúi ráðuneytisins, við Heimildina.
Að sögn hennar mun Brynjar vinna að frumvarpsgerð og öðrum verkefnum sem undir fjármálaráðuneytið heyra. Um tímabundna ráðningu er að ræða. Brynjar hóf störf í október og ráðningartími hans rennur út í lok maí.
Ráðherraskipti urðu í fjármála- og efnahagsráðuneytinu í sama mánuði og Brynjar var ráðinn, en Bjarni Benediktsson, formaður Sjálfstæðisflokksins, hafði þá setið þar meira og minna í áratug. Hann sagði af sér 10. október síðastliðinn og nokkrum dögum síðar tók hann við embætti utanríkisráðherra. Þórdís Kolbrún R. Gylfadóttir, varaformaður Sjálfstæðisflokksins, settist í stað Bjarna í fjármála- og efnahagsráðuneytið.
Í skriflegri fyrirspurn óskaði Heimildin einnig eftir upplýsingum um hvenær Brynjar var ráðinn en því var ekki svarað.
Brynjar er lögfræðingur að mennt, en hann lauk embættispróf í lögfræði HÍ 1986 og öðlaðist réttindi til málflutnings fyrir …
Og eru að koma enn einum frjálshygglunarhugsjónapilsfaldaröfgakapítalista á hinn ofur feita ríkisspena, þ.e.a.s. fólkið í landinu þarf að borga undir rassinn á þessum gagnslausa hreppsómaga.