Stefán Eiríks­son, útvarps­stjóri, segir í sam­tali við Heim­ild­ina að afstaða RÚV gagn­vart þátt­töku Ísrael í Eurovision sé „á sömu línu og EBU og ann­ara almanna­þjón­ustu­miðla.“ Það eigi bæði við um ákvörðun sam­bands­ins um reka Rússland úr söngvakeppn­inni, og svo þeirrar að leyfa Ísrael að halda áfram að taka þátt í söngvakeppn­inni. 

Þá vísar Stefán í nýlega yfir­lýs­ingu Sambands evr­ópskra sjón­varps­stöðva (EBU), þar sem þátt­taka Ísrael er rædd með til­liti til afstöðu sam­tak­anna gagn­vart Rúss­landi. Þar segir að ákvörð­unin um að víkja Rúss­landi úr keppni og sam­tök­unum hafi verið vegna þess að rúss­neski rík­is­fjöl­mið­ill­inn hafi brotið gegn reglum sam­bands­ins og gildum almanna­þjón­ustu­miðla.

Úttekt EBU hafi hins vegar sýnt fram á að ísra­elski rík­is­fjöl­mið­ill­inn færi eftir settum reglum og upp­fyllti öll skil­yrði fyrir áfram­hald­andi þátt­töku í keppn­inni. Auk þess benti Stefán að Rússland taki ekki þátt í neinum öðrum alþjóð­legum keppnum á alþjóð­legum vett­vangi, eins og fót­bolti og ólymp­íu­leikar eru gott dæmi um, það sama á ekki við um Ísrael.“ 

Þátttaka Ísraels í Eurovision hefur lengi verið til umræðu. Mörg erindi hafa borist í gegnum tíð­ina þar sem kallað eftir því Ísland dragi sig úr söngvakeppn­inni í mót­mæla­skyni við stefnu ísra­el­skra stjórn­valda gagn­vart Palest­ínu­mönnum. Sú umræða hefur orðið sér­stak­lega hávær núna vegna átak­anna sem nú geysa og hern­að­ar­að­gerða Ísraela á Gazasvæðinu, þar sem tug­þús­undir Palest­ínu­manna hafa farist.

Þátttaka Íslands gagnrýnd 

Um 5.900 manns hafa skrifað undir lista þar sem skorað er á RÚV að draga sig úr keppni. Stefán Eiríks­son hefur til­kynnt að RÚV muni ekki bregð­ast við þess­ari áskorun. Stefnt er að því RÚV taka þátt í keppn­inni eins það hefur gert síðan 1986.

Margir hafa stigið fram og gagn­rýnt þessa ákvörðun RÚV. Þar á meðal rit­höf­und­ur­inn Bragi Páll sem vakti athygli á gjör­ó­líkri afstöðu útvarps­stjóra gagn­vart  þátt­töku Rúss­lands ann­ars vegar og gagn­vart Ísrael hins vegar. Í færsl­unni lýsir Bragi þessu sem „tvö­földu sið­gæði.“

Spurður út í þessa gagn­rýni þar sem bent er á þessa ólíku stefnur RÚV segir Stefán að „RÚV hefur engar sér­stakar skoð­anir á þessum átökum per se, við erum bara að tala þarna um söngvakeppni evr­ópskra sjón­varps­stöðva og það sem að henni snýr. Þannig það er alveg skýrt, RÚV hefur ekki það hlut­verk að taka afstöðu.“

Stefán segir hlut­verk RÚV vera fyrst og fremst að flytja fréttir gæta þess að sá frétta­flutn­ingur sé hlut­laus og hlut­lægur eins og lög kveða á um.