Síðasta sunnu­dag var Mosab Abu Toha, palest­ínskur rit­höf­undur og ljóð­skáld, sem hefur upp á síðkastið skrifað um ástandið á Gaza fyrir miðla eins og The New Yorker, hand­tek­inn af ísra­elska hernum á leið úr landi. Þetta stað­festir bróðir hans við miðla á borð við CNN,  The Guardian og Time magazine, en bróðir hans hefur ekki heyrt í honum frá því á sunnu­dag.

Í grein sem hann skrif­aði fyrir The New Yorker, sem birt­ist þann 20. októ­ber, lýsir Mosab áhyggjum af því að „verða að töl­fræði í fréttum“ á meðan hann ímyndar sér dauða sinn og að heyra nafn sitt og dán­ar­til­kynn­ingu í útvarp­inu. Í gær skrif­aði einn rit­stjóra tíma­rits­ins að The New Yorker hefði „misst allt sam­band“ við Mosab og frétt af hand­töku hans. Þann 6. nóv­em­ber síð­ast­lið­inn skrif­aði Mosab aðra grein fyrir The New Yorker: „Angistin yfir því að bíða eftir vopna­hléi sem aldrei kemur.“