Lög­reglan á Suð­ur­nesjum hefur tekið ákvörðun um að hleypa öllum íbúum Grinda­víkur til síns heima í dag, til að safna saman nauð­synjum og verð­mætum. 

Fólk getur nú ekið á eigin bílum um Suð­ur­strand­ar­veg til Grinda­víkur, að hámarki tveir í hverri bif­reið og biður lög­regla „alla um að taka eins stuttan tíma og hægt er“ þar sem ein­ungis er hægt að vinna í dags­birtu.

Í til­kynn­ingu frá lög­reglu segir að búið sé að merkja hvar skemmdir eru í bænum með keilum. Þá verði íbúar að hlusta eftir hljóð­merkjum, ef við­bragðs­að­ilar gefi slík, og virða þau. Einungis ein flótta­leið er út úr bænum, Suð­ur­strand­ar­vegur.

Tilkynnt var um kl. 10 í morgun að íbúum á ákveðnum svæðum í Grinda­vík yrði heim­ilt að fara inn í bæinn í fylgd með björg­un­ar­sveitum. Laust fyrir tólf á hádegi var svo til­kynnt að íbúar fleiri svæða í bænum mættu gefa sig fram á Suð­ur­stranda­vegi kl. 13 í dag.

Í kjöl­farið var svo tekin ákvörðun um að hleypa öllum íbúum inn í bæinn, að sækja verð­mæti og nauð­synjar á heim­ili sín.