Um 40 venes­ú­elskir hæl­is­leit­endur sem bjuggu í sömu bygg­ing­unni í Grinda­vík dvelja nú í Hval­firði, við Laug­ar­vatn og í Reykja­vík. Þau voru send þangað í kjöl­far rým­ingar vegna jarð­hrær­ing­anna á Reykja­nesskaga.

Nover Pirela er einn þess­ara hæl­is­leit­enda en hann dvelur nú á hótel Glymi með systur sinni Verónicu og um tutt­ugu öðrum full­orðnum hæl­is­leit­endum.

„Við sem erum hér á Hótel Glym höfum það fínt þó við séum langt í burtu,“ segir Nover. „Í Reykja­vík er þetta verra. Þar er fólk sem býr ekki við góðar aðstæður, fjöl­skyldur með börn og óléttar konur.“ 

Ákall um hjálp fyrir hóp hæl­is­leit­end­anna var sett inn á Facebook-hóp­inn Aðstoð við Grind­vík­inga í gær og við­brögðin létu ekki á sér standa. Á sjö­unda tug manns buðu fram aðstoð sína í formi fatn­aðar og nauð­synja við færsl­una. 

„Við erum mjög þakk­lát því við höfum fengið mikla aðstoð,“ segir Nover. „Allir eru að reyna að hjálpa okkur.“

BoltinnVenes­ú­elskir hæl­is­leit­endur og grind­vískir vinir á fót­bolta­leik.

„Við vorum mjög ánægð í Grindavík“

Nover segir að til að byrja með hafi hann ekki verið hræddur við skjálft­ana í Grinda­vík. En þegar þeir voru orðnir mjög stórir fór honum ekki að standa á sama og hræðsla greip um sig í hópnum.

„Á föstu­dag­inn varð allt vit­laust,“ segir Nover. „Við erum sorg­mædd vegna þess að við vorum mjög ánægð í Grinda­vík og okkur lík­aði vel við fólkið. Þetta var nýtt heim­ili, langt frá heim­il­inu okkar.“

SystkiniNover og systir hans Verónica. Þau hafa bæði sótt um alþjóð­lega vernd hér á landi.

Þannig að þið mis­stuð í raun annað heim­ili ykkar?

„Já, við erum að missa annað heim­ilið okkar og aðra fjöl­skyldu.“ 

Nover vonar það besta fyrir Grinda­vík. 

„Við söknum svo bæj­ar­ins okkar og við höfum áhyggjur af honum og Grind­vík­ingum. Við viljum kom­ast þangað aftur eins fljótt og hægt er.“

Kirkjukór Grinda­víkurVenes­ú­elskir hæl­is­leit­endur hafa tekið þátt í starfi kórs­ins að und­an­förnu.