Greiðslubyrði óverðtryggðs láns upp á 45 milljónir króna, sem tekið er til 40 ára, er að minnsta kosti 345.600 krónur á mánuði, enda eru skaplegustu óverðtryggðu vextir sem bjóðast hjá banka í dag um ellefu prósent. Hægt er að fá aðeins lægri vexti hjá völdum lífeyrissjóðum sem sumir hverjir hafa ekki hækkað vextina sína upp í tveggja stafa tölu eftir síðustu vaxtahækkun Seðlabankans, þeirri fjórtándu í röð, sem setti stýrivexti í 9,25 prósent. 

Sú greiðslubyrði sem fylgir ofangreindu láni er 103,6 prósent hærri en hún var í maí 2021, þegar hún var lægst í kjölfar þess að stýrivextir fóru niður í 0,75 prósent og vextir á óverðtryggðum lánum voru í 3,3 til 3,4 prósent. Greiðslubyrðin hefur því rúmlega tvöfaldast.

Þetta má lesa úr tölum sem birtar voru í nýjustu mánaðarskýrslu hagdeildar Húsnæðis- og mannvirkjastofnunar (HMS).

Greiðslubyrði verðtryggðra lána sem tekin eru til 25 ára hefur líka hækkað en …