Áfallinn heildarkostnaður ríkissjóðs vegna fyrirhugaðrar viðbyggingar við Stjórnarráð Íslands er 468,8 milljónir króna á verðlagi hvers árs. Nýbyggingin er ekki risin og mun ekki rísa í nánustu framtíð. Tilkynnt var um það í fimm ára fjármálaáætlun ríkisstjórnarinnar að byggingu viðbyggingarinnar yrði frestað til að spara útgjöld og nýverið var baklóðin, þar sem framkvæmdir höfðu staðið yfir í nokkur ár, tyrfð.
Í svari forsætisráðuneytisins við fyrirspurn Heimildarinnar um málið kemur fram að stærsti hlutur þess kostnaðar sem þegar hefur fallið til sé vegna fornleifauppgraftar. Á árunum 2017 til 2021 var hann bókfærður 267,2 milljónir króna. Kostnaður vegna vinnu við undirbúning nýbyggingar og lóðar er 181 milljón króna og var bókfærður á tímabilinu 2015 til 2022. Þá er áfallinn kostnaður frá janúar til júní á þessu ári 20,6 milljónir króna en hann er kominn til vegna nýbyggingar og álitamála vegna byggingaráforma nágranna.
Aðspurður hvort ákveðið hafi verið að finna forsætisráðuneytinu nýtt húsnæði, …
Eins og ég er yfirleitt ánægður me þig sem blaðamann varð ég fyrir vonbrigðum með hvernig þú setur þessa fyrirsögn fram. Nóg er af slæmum fréttum þó ekki þurfi að dýpka málin með þessum hætti. Stór hluti af þessum kostnaði er fornleifarannsóknir og því er fullyrðing fyrirhafnarinnar röng. Kveðja Brynjar Harðarson