Ásgeir Þór Ásgeirs­son, aðstoð­ar­lög­reglu­stjóri hjá lög­regl­unni á höf­uð­borg­ar­svæð­inu, telur nokkuð skýrt að kon­urnar sem klifr­uðu upp í möstur tveggja hval­skipa í gær­morgun í mót­mæla­skyni vegna fyr­ir­hug­aðra hval­veiða hafi framið lög­brot. Af þeim sökum hafi lög­regl­unni ekki verið skylt að koma til þeirra vatni og vistum. 

Hvalur hf. hefur kært kon­urnar fyrir hús­brot. Spurður hvort hann telji að kon­urnar hafi brotið lög segir Ásgeir:

„Við teljum okkur vera með það á hreinu.“

Hann vísar í 231. grein hegn­ing­ar­laga sem segir: 

„Ef maður ryðst heim­ild­ar­laust inn í hús eða niður í skip ann­ars manns, eða annan honum óheim­ilan stað, eða synjar að fara þaðan, þegar skorað er á hann að gera það, þá varðar það sektum eða [fang­elsi] allt að 6 mán­uðum.“

Ásgeir segir samt sem áður að hús­brot séu ekki með alvar­legri hegn­ing­ar­laga­brotum og því sé það ekki efni til þess að setja kon­urnar í far­bann. 

„Ég reikna bara með því að þær gangi út að lok­inni skýrslu­töku.“

Konurnar klifr­uðu niður úr möstr­unum síð­degis í dag og voru fluttar með lög­reglu­bíl á lög­reglu­stöð. Þar biðu þeirra sjúkra­flutn­inga­menn sem skoð­uðu ástand þeirra, en önnur konan hafði verið án vatns síðan eldsnemma í gær­morgun. Ásgeir telur þó ekki að heilsu­far þeirra hafi verið slæmt enda hafi þær kom­ist sjálfar niður úr möstr­unum, 

„Þetta fór vel, það slas­að­ist eng­inn þó ein­hverjir séu kannski svangir og þyrstir.“

Mynd: Heim­ildin / Davíð Þór

Telur lögregluna ekki hafa gert mistök

Mót­mæl­endur og stuðn­ings­fólk þeirra hafa gagn­rýnt vinnu­brögð lög­reglu á svæð­inu tölu­vert, m.a. það að lög­reglan hafi tekið bak­poka ann­arrar kon­unnar svo hún var matar- og vatns­laus en ekki viljað færa henni vatn þegar eftir því var óskað.

„Lög­regl­unni ber ekki að fæða og vökva fólk sem er að fremja lög­brot,“ segir Ásgeir spurður um það. 

Jafn­framt hafa við­brögðin verið gagn­rýnd vegna þess að sér­sveitin var send á stað­inn til þess að byrja með, þrátt fyrir að um frið­sam­leg mót­mæli hafi verið að ræða. 

„Sér­sveitin hefur mjög margar sér­hæf­ingar sem snúa að björgun. Þeir eru með sér­staka þjálfun í að vinna með línur, harness, sigstóla og að tryggja fólk niður úr erf­iðum aðstæðum. Það var sá eig­in­leiki sveit­ar­innar sem við vorum að leita í í gær.“

Eruð þið í ein­hverri sér­stakri við­bragðs­stöðu vegna mögu­legra mót­mæla í fram­hald­inu?

„Við erum bara rétt búin að ljúka þessu svo við sjáum bara hvað dag­ur­inn ber í skauti sér,“ segir Ásgeir.