Kolfinna Íris Rún­ars­dóttir er 22 ára Ísfirð­ingur, búsett á höf­uð­borg­ar­svæð­inu. Hún skráði sig í Reykja­vík­ur­mara­þonið og hleypur til styrktar Park­in­son­sam­tök­unum. Afi hennar, Karl Geir­munds­son, lést af völdum tauga­sjúk­dóms­ins fyrr á árinu, 83 ára að aldri. Hann var tón­list­ar­maður frá Ísafirði og stund­aði hesta­mennsku af miklu kappi í mörg ár. 

Karl og Kolfinna ÍrisSamband Kolfinnu við afa sinn var henni dýr­mætt og nú hleypur hún fyrir Park­in­son­sam­tökin svo hægt sé að hjálpa fleira fólki.

Sjálf var Kolfinna Íris mikið í íþróttum sem barn. „Ég flutti 16 ára til Noregs í skíða­mennta­skóla. Eftir að ég kom heim hætti ég í skíðum og fór að gera alls­konar annað. Þá fór ég í cross-fit og byrj­aði aftur í fót­bolta en svo lang­aði mig að prófa að hlaupa og er búin að vera að gera það í allt sumar. Ég hljóp hálf­mara­þonið í fyrra og lang­aði að spreyta mig á mara­þon­inu núna í ár.“ 

Hálf­mara­þonið á síð­asta ári gekk ágæt­lega að sögn Kolfinnu Írisar sem komst í mark, en ákvörð­unin um að taka þátt var tekin með stuttum fyr­ir­vara. Núna gengur und­ir­bún­ingur fyrir heila mara­þonið vel og ákvörð­unin tekin með lengri fyr­ir­vara. „Maður þarf að gefa sér tíma til að fara út og hlaupa. Það er alltaf gaman og ekk­ert mál, sér­stak­lega þegar það er sól.“

Alvöru meining

Kolfinna ÍrisStefnir á að hlaupa 42,2 km á undir 4 klukku­stundum og 15 mín­útum.

Aðspurð hvers vegna hún skráði sig í hlaupið segir Kolfinna Íris: „Mér finnst gaman að ögra mér og ná nýjum mark­miðum. Svo lang­aði mig líka að prufa að hlaupa fyrir ein­hver sam­tök því ég hafði aldrei gert það áður. Þá datt mér ekk­ert annað í hug en að hlaupa fyrir Park­in­son­sam­tökin þar sem afi minn kvaddi okkur fyrr á árinu eftir að hafa verið að berj­ast við þann tauga­sjúk­dóm. Þá var ein­hvern veg­inn kom­inn alvöru mein­ing og mark­mið að hlaupa fyrir, því að það stendur manni nærri.“ Hún seg­ist ánægð að geta styrkt sam­tökin svo hægt sé að veita þeim sem á þurfa þjón­ustu.

Kolfinna Íris skráði sig í hlaupið þann 24. júlí og var mark­miðið að safna 100.000 krónum fyrir Park­in­son­sam­tökin. Strax eftir fyrsta dag­inn var hún búin að safna 80.000 krónum og sól­ar­hring seinna var mark­mið­inu náð. „Ég er mjög ánægð. Þetta er mikil hvatn­ing og gerir mig spennt­ari að klára hlaupið. Það var ekki komið mikið í Park­in­son sam­tökin fyrir, þannig að ég á einn þriðja af öllu sem er komið þangað inn sem var gaman að sjá.“

Hvað tíma­mark­mið varðar ætlar Kolfinna Íris að reyna að hlaupa 42,2 kíló­metra á undir 4 klukku­stundum og korteri þó að hún setji ekki pressu á sjálfa sig. Fjöl­skylda og vinir fylgj­ast með úr fjar­lægð og ein­hverjir verða við enda­lín­una að fagna með henni.