Fréttir

Gæsluvarðhald: Ákærður fyrir að veita eiginkonu sinni lífshættulega áverka

Landsréttur hefur staðfest gæsluvarðhaldsúrskurð yfir karlmanni sem ákærður hefur verið fyrir stórfeld brot í nánu sambandi. Konan hljóp nakin út af heimili þeirra og leitaði læknisaðstoðar. Hún þurfti að undirgangast bráðaaðgerð vegna lífshættulegra áverka.

Erla Hlynsdóttir

24. maí 2023 · 15:14

Birtist fyrir 3 árum.

Landsréttur hefur staðfest úrskurð Héraðsdóms Reykjaness yfir karlmanni á fertugsaldri sem er til rannsóknar hjá lögreglu vegna gruns um að hafa veitt eiginkonu sinni lífshættulega áverka. Maðurinn mun sæta gæsluvarðhaldi til 15. júní. Málið er með alvarlegri heimilisofbeldismálum sem lögreglan á Suðurnesjum hefur komið að.

Í lok febrúar barst lögreglu tilkynning um heimilisofbeldi. Sá sem hafði samband var umræddur karlmaður sem sagðist „hafa verið að slást við konu sína sem hefði síðan hlaupið nakin út“.

Lögregla fann konuna skömmu síðar á Heilbrigðisstofnun Suðurnesja. „Í samtali við lögreglu bar brotaþoli um ítrekað, endurtekið og ætlað stórfellt ofbeldi af hálfu varnaraðila í sinn garð, bæði andlegu, líkamlegu og kynferðislegu, sem hafi staðið yfir í nokkur ár. Þá kvað hún varnaraðila m.a. hafa beitt sig bæði andlegu líkamlegu og kynferðislegu ofbeldi liðna nótt og þann 16. febrúar sl.“

„lífshættulegir og gátu eingöngu komið til við kynferðisofbeldi ásamt alvarlegri líkamsárás“

Í kjölfar skoðunar á spítalanum var hún flutt á Landspítalann í Reykjavík til að framkvæma aðgerð á henni vegna alvarlegra innvortis verkja. Samkvæmt sérfræðingum sem framkvæmdu bráðaaðgerð á konunni voru áverkar hennar „lífshættulegir og gátu eingöngu komið til við kynferðisofbeldi ásamt alvarlegri líkamsárás“.

Þann 19. maí gaf héraðssaksóknari út ákæru á hendur manninum þar sem honum er gefið að sök nauðgun, stórfelld líkamsárás og stórfellt brot í nánu sambandi gagnvart eiginkonu sinni með því að hafa á tímabilinu júlí 2019 til febrúar 2023 „á sérstaklega sársaukafullan, meiðandi og alvarlegan hátt ógnað lífi hennar, heilsu og velferð með andlegu, líkamlegu og kynferðislegu ofbeldi, hótunum og nauðung.“

Maðurinn neitar sök og segist vera fórnarlamb í málinu.

Kjósa

Hvernig finnst þér þessi grein? Skráðu þig inn til að kjósa.

Deila

Athugasemdir

Skráðu þig inn til að skrifa athugasemd eða kjósa.

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

ViðskiptiFerðamannalandið Ísland

Lukkaðist loks að virkja Gullfoss

Eigendur að Gullfosskaffi hafa safnað digrum sjóðum. Þeir hófu innheimtu á bílastæði sínu á sama tíma og ríkisstjórnin kynnti nýjan náttúrupassa fyrir svæðið. Ríkið hefur lagt til meira en 170 milljónir króna að núvirði í stígagerð við Gullfoss.

Viðtal

Ástleysið er sárt

Nánd er næring, nauðsynleg eins og matur. Tæpur helmingur fólks elst upp í óöruggum tengslum sem geta komið niður á tengslum og ástarsamböndum á fullorðinsárum, jafnvel ógnað heilsu, enda er „tengslamyndun ein af grunnforsendum farsældar“, að sögn klíníska sálfræðingsins Guðbrands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ástina í öllum sínum myndum.

GagnrýniHögg

Lexíur og leikhúsið

Sigríður Jónsdóttir skrifar um Högg eftir James Graham, sem sýnt er í Þjóðleikhúsinu.

ErlentLoftslagsbreytingar

Spá „hættulegri“ hlýnun um 2,8 gráður í heiminum

Vonin um að halda hlýnun undir 1,5 gráðum frá því fyrir iðnbyltingu er „horfin“, segja Sameinuðu þjóðirnar. Skuldbindingar ríkja duga ekki til að ná Parísarmarkmiðunum.

ErlentVaxandi misskipting

Skattur á milljarðamæringa á kjörseðlinum

Kjósendur í Kaliforníu greiða atkvæði um fimm prósenta skatt á hreina eign um 200 milljarðamæringa. Bernie Sanders hleypir af stokkunum herferð gegn auðræði.

Viðskipti

Frakkar í vanda: Vextir hækka

Niðurskurður í opinberum útgjöldum er helsta kveikja mótmæla Frakka, en ófriður eykur á vandann. Vaxtaálag á Frakkland er í dag komið yfir 5 prósent í fyrsta sinn frá 2002.

Mest lesið

Mest lesið í vikunni

GagnrýniDjöflar

Hjónadjöflar

Sigríður Jónsdóttir skrifar um Djöfla eftir Lars Norén, sem sýnt er í Borgarleikhúsinu.

Aðsent

Hrafnhildur Kjerúlf Sigmarsdóttir

Ég, hóran

Fimmtíu og sjö karlmenn eru grunaðir um að hafa ekki komið ungri konu til aðstoðar þegar vinir þeirra nauðguðu henni í hópi. Hrafnhildur Sigmarsdóttir segir brandara um „hórur“ í ræktinni endurspegla sama tilkall til kvenna.

Innlent

Ísland kemur einna best út úr COVID-faraldrinum

Yfirlæknir á sýkla- og veirufræðadeild Landspítalans segir gögn sýna að Ísland kom einna best út úr COVID-faraldrinum. Annarskonar áskoranir hafa þó fylgt faraldrinum, svo sem Long-COVID og vantraust til bólusetninga.

Viðtal

„Margt sem ég hef séð situr í mér“

Þegar Halla Bergþóra Björnsdóttir varð fyrst kvenna til þess að sinna löggæslu á Húsavík fékk hún að heyra að konur ættu ekkert erindi í lögregluna. Hún lét það ekki á sig fá, varð lögreglustjóri og loks ríkislögreglustjóri. Starfið hefur breytt henni, enda hefur hún komið að erfiðum málum og fengið hótanir. Á sama tíma hefur hún öðlast skarpari sýn á lífið, sterkari löngun til að gera gagn og fundið fyrir þakklæti fyrir allt það góða.

Úttekt

Íbúum boðnar „mútur“ fyrir að samþykkja gagnaver

Andstaða íbúa stöðvaði eða tafði að minnsta kosti 75 gagnaverkefni í Bandaríkjunum á fyrstu þremur mánuðum ársins. Í Pennsylvaníu reyna íbúar að stöðva gagnaver og háspennulínu.

GagnrýniFasteignamartröðin

Martröðin að eignast heimili

Þorvaldur S. Helgason skrifar um Fasteignamartröðina eftir Gabrielė Labanauskaitė, sem sýnd er í Samkomuhúsinu.

Mest lesið í mánuðinum

Innlent

Lögreglan rukkar viðburðahaldara um tugi milljóna

Tvö lögregluembætti hafa krafið þrjá viðburðarhaldara um samanlagt 47 milljónir vegna þriggja viðburða í sumar. Viðburðahaldarar eru hugsi vegna málsins og tveir hafa kært gjaldtöku lögreglu.

InnlentLífið á Grensás

Vilja að Katla fari á elliheimili

Heilbrigðisráðuneytið hefur þrýst á að Katla Guðnadóttir, 24 ára gömul, velji sér hjúkrunarheimili til að flytja á tímabundið. Formaður ÖBÍ segir slíkar innlagnir ungs fólks sjaldnast verða tímabundnar. Katla hefur verið ári lengur á Grensásdeild en heilbrigðisstarfsfólk taldi þurfa og vill flytja heim til sín.

ViðtalLífið á Grensás

Prófaði brimbretti í fyrsta skipti og lamaðist

Wojciech Jarosz vann á Keflavíkurflugvelli en eftir örlagaríkt frí í Karíbahafinu sækir hann nú endurhæfingu á Grensásdeild í von um að geta staðið aftur upp einn daginn. Sjaldgæfur kvilli sem byrjendur á brimbrettum geta fengið olli lömun fyrir neðan mitti.

ViðtalLífið á Grensás

Snýr aftur í hjúkrunarfræði eftir heilablæðingu

Viðbragðsaðilar héldu að Björn Ólafur Haraldsson væri útúrdópaður þegar hann lá á gólfinu með blæðingu í heila. Hann var 21 árs og í hjúkrunarfræðinámi þegar áfallið reið yfir og þurfti ítrekað að leiðrétta mistök ófaglærðs starfsfólks á heilbrigðisstofnunum. Nú stefnir hann á að klára námið og koma sterkari til baka.

Stjórnmál

Sjálfstæðismenn aftur á fund bandarískra íhaldsmanna ásamt Zachary

Forysta Sjálfstæðisflokksins og Birgir Þórarinsson, fyrrverandi þingmaður, funduðu með íhaldssömum hugveitum og mæltu fyrir fríverslunarsamningi.

Stjórnmál

Fulltrúi Íslands sat áfram meðan tugir gengu úr salnum undir ræðu Netanyahu

Tugir fulltrúa gengu úr salnum þegar Benjamín Netanyahu, forsætisráðherra Ísraels, hóf ræðu sína á allsherjarþingi Sameinuðu þjóðanna. Fulltrúi Íslands sat áfram í sæti landsins. Þorgerður Katrín Gunnarsdóttir utanríkisráðherra var á sama tíma á fundi til stuðnings Palestínuflóttamannahjálp SÞ.