„Börn flótta­manna fá for­gang inn í leik­skóla. Að hluta til eru vand­ræði Reykja­vík­ur­borgar í leik­skóla­málum að því að það er að koma svo mikið af börnum erlendis frá með flótta­mönnum.“

Sá sem hér talar er Jón Gunn­ars­son dóms­mála­ráð­herra, sá sem fer með mála­flokk flótta­manna og umsækj­enda um alþjóð­lega vernd hér á landi. Hann sagði þetta í hlað­varps­þætt­inum „Chat after dark“ þann 16. mars síð­ast­lið­inn, eða dag­inn eftir að útlend­inga­frum­varpið sem hann lagði fyrir þingið var sam­þykkt. 

Þennan sama dag fagn­aði hann sam­þykktu frum­varpi á Facebook-vegg sínum. Breyt­ing­arnar væru nauð­syn­legar til þess að ein­stak­lingar sem „þarfn­ast raun­veru­legrar verndar“ fái vand­aða og skjóta úrlausn mála. Fólk fagn­aði með og skrif­aði undir: „Vel gert, Jón, hér á Suð­ur­nesjum eru þessi mál komin í óefni,“ sagði einn og annar: „Leggja svo niður kæru­nefnd útlend­inga­mála strax!“

Á sínum ferli hefur dóms­mála­ráð­herra margoft gripið í þetta …