Þessi grein birtist fyrir meira en 2 árum.

Fréttir

Segir frumvarp matvælaráðherra stefna strandveiðikerfinu í hættu

Þingmaður Framsóknarflokksins segir að með nýju frumvarpi matvælaráðherra um svæðaskiptingu strandveiða sé verið að taka áhættu með markmið kerfisins og því stefnt í hættu. „Að vori er sumarið fram undan í strandveiðinni í óvissu.“

4. apríl 2023 · 12:00

Bára Huld Beck

ritstjorn@heimildin.is

Halla Signý Kristjánsdóttir þingmaður Framsóknarflokksins fjallaði um strandveiðar í ræðu sinni undir liðnum störf þingsins á Alþingi í síðustu viku.

Þar gagnrýndi hún frumvarp Svandísar Svavarsdóttur matvælaráðherra um breytingar á strandveiðum þar sem lagt er til að hverfa til fyrirkomulags sem var fyrir árið 2018, þ.e. að aflaheimildum sem ráðstafað er til strandveiða verði skipt upp í fjögur landsvæði. Í frumvarpinu segir að með fyrirhugaðri lagasetningu sé áformað að auka jafnræði milli landsvæða.

Auk þess er lagt upp með að aflaheimildir hvers landsvæðis og tímabils geti verið færanlegar yfir næsta tímabil innan fiskveiðiársins sem þýðir að hvert svæði getur fært ónýttar aflaheimildir yfir á næsta mánuð sem ekki tókst að ná á land í þeim mánuði sem liðinn er.

Ekki „í takti“ að koma með frumvarpið núna

Halla Signý sagði í ræðu sinni að með frumvarpinu væri verið að hverfa til fyrra horfs sem ylli í raun meiri misskiptingu milli landsvæða en núverandi kerfi byði upp á.

„Ekki er útfært í frumvarpinu hvernig aflaheimildum verði skipt milli landsvæða né hvaða aðferðum verði beitt við að reikna það út. Erfitt getur reynst að finna út hvaða magn á að fara inn á hvert svæði. Áður en breytt var úr skiptingu yfir í einn pott gat mismunur á milli svæða verið frá sex dögum en á öðrum 20 dagar og kapphlaupið á miðin hefst með ófyrirsjáanlegum afleiðingum,“ sagði þingmaðurinn.

Þá nefndi hún að matvælaráðherra hefði skipað samráðsnefnd um sjávarútvegsstefnu sem hefði ekki lokið vinnu sinni og því telur Halla Signý ekki í takti núna að koma með þetta frumvarp á meðan sú vinna stendur yfir.

„Að vori er sumarið framundan í strandveiðinni í óvissu. Ytri aðstæður er lítt hægt að festa í lög. Veðurfar, gæftir og fiskgengd væri gott að geta stýrt en það er ekki í boði. Nú ætti að vera að hefjast sjötta sumarið eftir að þessar breytingar voru gerðar. Því væri farsælast að í haust yrði tekið út hvernig þetta hafi tekist og hvað betur mætti fara í stað þess að rykkja í bakkgírinn án þess að stíga á kúplinguna,“ sagði hún og lauk ræðu sinni á orðunum: „Það er verið að taka áhættu með markmið kerfisins og því er stefnt í hættu.“

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir (1)

Skráðu þig inn til að skrifa athugasemd eða kjósa.

Jóhannes Baldvinsson skrifaði
5. apríl 2023 14:29

Sér enginn hallann á þessum umræðum um strandveiðarnar? Þarna eru fyrirferðarmestar dragtklæddar stútungskerlingar sem aldrei hafa verið á sjó að taka ákvarðanir um lifibrauð 600 karlmanna + einnar konu, sem stundað hafa strandveiðar undanfarin ár. Þetta eru Svandís Svavarsdóttir ráðherra, Lilja Rafney varaþingmaður og nú þessi Halla Signý. Það er enginn sjómaður hafður með í ráðum né leitað umsagnar hjá í umfjöllun Stundarinnar sem reyndar er skrifuð af konu sem reynir ekki að vinna rannsóknarvinnu í sambandi við þessa endursögn af ræðu þingkonu í leit að athygli.

0

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Viðtal

„Ég var bara glæpamaður“

„Margt af því sem ég hef gert mun ég aldrei geta bætt fyrir,“ segir Kristján Halldór Jensson, sem var dæmdur fyrir alvarlegar líkamsárásir. Hann var mjög ungur að árum þegar ljóst var í hvað stefndi og fann ekki leiðina út fyrr en áratugum síðar. Í dag fer hann inn í fangelsin til þess að hjálpa öðrum, en það er eina leiðin sem hann sér færa til þess að bæta fyrir eigin brot.

Fréttir

Trump fer í stríð við Seðlabankann

Bandaríkjaforseti virðist vilja þenja enn meira út valdheimildir sínar, nú með því að rjúfa sjálfstæði Seðlabanka Bandaríkjanna.

Viðtal

Síðasta ár var það erfiðasta

Tolli segir síðasta ár hafa verið það erfiðasta en jafnframt það gjöfulasta í sínu innra landslagi. Hann hefur verið edrú í 30 ár og á þeim tíma í raun fengið að endurfæðast oftar en einu sinni.

Flækjusagan

Hvað gerðist á hinum fyrstu páskum: Alþýðubylting eða uppgangur nýlenduveldis?

Á páskum höfðu Gyðingar hinir fornu í heiðri flótta sinn undan kúgun. Eða hvað?

Viðtal

Eldri borgarar Hornafjarðar í fantaformi

Eldri borgarar Hafnar í Hornafirði hafa ekki slegið slöku við síðustu árin. Tugir þeirra sækja líkamsræktartíma í Sporthöllinni þar sem lögð er áhersla á að þau styrki sig og liðki til þess að eiga auðveldara með daglegar athafnir. Þjálfarinn Kolbrún Þorbjörg Björnsdóttir segir þetta uppáhaldshópinn sinn.

Erlent

Hezbollah hafna afvopnun þrátt fyrir alþjóðlegan þrýsting

Leiðtogar Hezbollah segja að samtökin muni ekki afvopnast og krefjast brottvistar Ísraela úr suðurhluta Líbanons áður en hægt sé að ræða varnarstefnu.

Mest lesið

Mest lesið í vikunni

Fréttir

Sjónarvitni sáu dóttur beita aldraða foreldra miklu ofbeldi

Tvö sjónarvitni sem Heimildin ræddi við sáu konu beita báða foreldra sína ofbeldi áður en hún var handtekin vegna gruns um að hafa banað föður sínum. Konan, sem er 28 ára gömul, situr nú í gæsluvarðhaldi eftir að faðir hennar fannst látinn á heimili fjölskyldunnar á Arnarnesinu í Garðabæ.

Viðtal

„Ég var bara glæpamaður“

Viðtal

Þakklátur fyrir að vera á lífi

Þorlákur Morthens, Tolli, hefur marga fjöruna sopið í lífsins ólgusjó. Æskuárin höfðu sín áhrif en þá byrjaði hann að teikna og var ljóst að drengurinn væri gæddur hæfileikum. Óregla og veikindi lituðu fjölskyldulífið og á unglingsárunum sá hann um sig sjálfur. Um árabil var hann sjómaður, verkamaður og skógarhöggsmaður. Eftir myndlistarnám hefur hann lifað af myndlistinni. Nú er Tolli farinn að mála í ljósari tónum. Hann gaf nýra, greindist síðan með krabbamein og sigraði.

Það sem ég hef lært

Guðlaug Svala Steinunnar Kristjánsdóttir

Mér rennur blóðið til skyldunnar

Guðlaug Svala Steinunnar Kristjánsdóttir segir að stærsta lexía lífs síns sé líklega að uppgötva um miðjan aldur að hún er einhverf. Hún hafi áttað sig á sjálfri sér með hjálp annars einhverfs fólks sem þá hafði þegar olnbogað sig áfram í heimi ráðandi taugagerðar, misst líkamlega, andlega, félagslega og starfstengda heilsu áður en það áttaði sig á sjálfu sér.

Fréttir

Icelandair sýknað af kröfu Margrétar – Stærsti hluti bótakröfu vegna Netflix

Margrét Friðriksdóttir krafðist yfir 24 milljóna króna í bætur eftir að henni var vísað brott úr vél Icelandair árið 2022. Hún hafði þá neitað að taska sem hún hafði meðferðis yrði færð í farþegarými og neitað að setja upp grímu vegna sóttvarna. Stærsti hluti af bótakröfunnar var vegna heimildamyndar sem Margrét hugðist gera og selja Netflix.

Fréttir

Engar reglur um sovéska samóvarinn

Davíð Oddsson virðist hafa mátt ráðstafa fallegum sovéskum samóvar eins og honum sýndist. Teketillinn var gjöf frá fyrrverandi leiðtoga Sovétríkjanna og var seldur á uppboði til styrktar ungum Sjálfstæðismönnum fyrr á árinu.

Mest lesið í mánuðinum

Fréttir

Sjónarvitni sáu dóttur beita aldraða foreldra miklu ofbeldi

Viðtal

Breytt fæði breytti líðaninni

Kristjana Pálsdóttir og Sigurður Pétur Harðarson ákváðu í vetur að gera breytingar á mataræði sínu en þau áttu bæði við kvilla að stríða eins og háan blóðþrýsting, svefnvanda, voru of þung og fleira mætti telja. Árangurinn hefur ekki látið á sér standa.

Fréttir

Beðið eftir að Íris undirriti nálgunarbann

Íris Helga Jónatansdóttir hefur verið boðið að gangast undir nálgunarbann gagnvart einum manni. Vinur hennar var handtekinn grunaður um að hafa tekið þátt í umsáturseinelti. Gögn benda til þess að hann hafi verið blekktur.

ÚttektKonur til valda

Tóku ekki í hönd hennar því hún var kvenprestur

Guðrún Karls Helgudóttir, biskup Íslands, segist búa að því að önnur kona hafi rutt brautina á undan henni. Hún þekki þó vel mismunandi viðmót fólks gagnvart kven- og karlprestum. Þegar hún vígðist í Svíþjóð hélt stór hópur því fram að prestvígsla kvenna væri lygi.

Fréttir

Íslendingar vísa trans konu á flótta frá Bandaríkjunum úr landi

Kona sem er á flótta frá Bandaríkjunum með son sinn sótti um alþjóðlega vernd á Íslandi. Fyrir Útlendingastofnun lýsti hún því hvernig hatur hafi farið vaxandi þar í landi gagnvart konum eins og henni – trans konum – samhliða aðgerðum stjórnvalda gegn trans fólki. Sjálf hafi hún orðið fyrir aðkasti og ógnunum. „Með hverjum deginum varð þetta verra og óhugnanlega.“

Fréttir

Hollt mataræði lykilatriði að góðri heilsu

Axel F. Sigurðsson, sérfræðingur í hjartalækningum, hefur skoðað tengsl fæðu og lífsstíls við sjúkdóma, einkum hjarta- og æðasjúkdóma. Talað hefur verið um að lífsstílssjúkdómar séu stærsta ógnin við heilsu fólks og heilbrigðiskerfi til næstu áratuga. Axel segir að fólk geti breytt miklu með hollu mataræði og hreyfingu. Félagsleg tengsl séu líka mikilvæg. Hann ráðleggur hreina fæðu til að sporna við kvillum.