Þessi grein birtist fyrir meira en 2 árum.

Snjóflóð féll á Norðfirði — verið að rýma sjö húsagötur

Snjóflóð féll á Norð­firði í morg­un, vest­an við varn­ar­virki sem standa of­an við byggð. Ver­ið er að meta hættu á frek­ari flóð­um á Nes­kaup­stað. Unn­ið er að því að rýma sjö húsa­göt­ur vegna flóðs­ins.

Snjóflóð féll á Norðfirði — verið að rýma sjö húsagötur
Snjóþungt Varað hafði verið við snjóflóðahættu á Austfjörðum í nótt og frameftir degi. Mynd: Fjarðabyggð

Tvö snjóflóð féllu á Norðfirði í morgun; annað á hús í byggð við Starmýri í Neskaupstað og hitt vestan við varnargarða sem þar eru ofan byggðar. Það snjóflóð þveraði Strandgötu, sem liggur út úr Neskaupstað, og í sjó fram. 

Rýma svæði 16 og 17Hús á rýmingarsvæðum 16 og 17, samtals sjö götur, verða rýmdar vegna snjóflóðahættu.

Fyrst í morgun var tilkynnt um að rýma eitt hús vegna flóðsins en fljótlega var ákveðið að rýma sjö íbúðahúsagötur á rýmingarsvæðum í kringum Starmýri, þar sem flóðið féll á hús. Í tilkynningu sem barst frá lögreglu rétt fyrir 9 kom fram að björgunarsveitir væru að ganga í hús sem þyrfti að rýma. Fjöldahjálparstöð hefur verið opnuð í Egilsbúð, þar sem tekið er á móti fólki sem þarf að yfirgefa hús sín. 

„Íbúar Neskaupstaðar annars beðnir um að halda sig heima við,“ segir í tilkynningunni. 

Unnið er að meta aðstæður annars staðar í þéttbýlinu. Íbúar eru hvattir til að halda kyrru fyrir, hlémegin í húsum og bíða frekari upplýsinga. Íbúar annars staðar á Austurlandi hafa einnig verið beðnir að halda sig heima við. 

Öllu skólahaldi hefur verið aflýst í Fjarðabyggð sem og almenningssamgöngum. Þetta kemur fram í tilkynningu frá Almannavörnum. 

Óvissustigi vegna snjóflóðahættu hafði verið lýst á Austfjörðum, á milli Neskaupstaðar og Seyðisfjarðar. 

Uppfært klukkan 9.18

Kjósa
0
Hvernig finnst þér þessi grein? Skráðu þig inn til að kjósa.

Athugasemdir (1)

Skráðu þig inn til að skrifa athugasemd eða kjósa.
  • Eiríkur Björnsson skrifaði
    Norðurfjörður er í Strandasýslu, þessi heitir Norðfjörður.
    0
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Snjóflóð í Neskaupstað

Mest lesið

Mest lesið

Mest lesið í vikunni

Siðferðisspurningar vakna vegna uppbyggingar Andra og Birgis
4
Fréttir

Sið­ferð­is­spurn­ing­ar vakna vegna upp­bygg­ing­ar Andra og Birg­is

Fjár­fest­ar sem eru sak­að­ir um að hafa milli­göngu um iðn­að­ar­njósn­ir fyr­ir millj­arða­mær­ing­inn Björgólf Thor Björgólfs­son vilja reisa þétt­býlt hverfi í um tveggja kíló­metra fjar­lægð frá vatns­vernd­ar­svæði höf­uð­borg­ar­svæð­is­ins. Svo virð­ist sem eng­in krafa sé uppi um sið­ferði fjár­festa þeg­ar kem­ur að Kópa­vogs­bæ.

Mest lesið í mánuðinum

Mest lesið í mánuðinum

Nýtt efni

Mest lesið undanfarið ár