Á nokk­urra vikna tíma­bili í upp­hafi árs­ins 2020 fékk Umhverf­is­stofnun til­kynn­ingar um sam­tals 89 olíu­blauta fugla, aðal­lega í Vest­manna­eyjum. Slíkar til­kynn­ingar héldu áfram að ber­ast næstu miss­erin, m.a. frá Reyn­is­fjöru, Vík, Land­eyjum, Þor­láks­höfn og jafn­vel utan við Snæ­fells­nes. Algeng­ustu teg­undir sem fund­ust með olíu í fiðri hafa verið svart­fuglar, helst lang­víur, sem og æðar­fugl.

Umhverf­is­stofnun bað Haf­rann­sókna­stofnun að greina mögu­leg upp­runa­svæði meng­un­ar­innar og við þá grein­ingu var stuðst m.a. við haf­strauma og sjáv­ar­falls­strauma, sem og kort­lagn­ingu skips­flaka sunnan við Ísland.

Nið­ur­stöð­urnar benda til að upp­runi meng­un­ar­innar sé skips­flak á hafs­botni á svæði um 1–12 sjó­mílur austan eða suð­austan við Vest­manna­eyjar. Þar sem olíu­blautu fugl­arnir fund­ust oft­ast á sama svæði á tíma­bil­inu er talið lík­legt að olían leki úr óþekktu skips­flaki á hafs­botni en að lek­inn sé stöð­ugur og frekar lít­ill.  

Kampen liggur ekki undir grun

Það liggja nokkur skips­flök á hafs­botni sunnan við land. Þekktasta flakið …