Fyrri aukaspurning:

Hvaða fjórmenninga má sjá á myndinni hér að ofan?

***

Aðalspurningar:

1.  Einn fyrsti nafngreindi gamanleikjahöfundur heimsins var uppi í Grikklandi á 4. öld fyrir Krist. Hann skrifaði til dæmis frægt grínleikrit um eitt fyrsta verkfallið sem sögur fara af í heiminum, hvort heldur í bókmenntum eða raunveruleikanum. Hverjir eða hverjar fóru í hvernig verkfall, og hver var tilgangurinn með verkfallinu?

2.  En hvað hét grínleikjahöfundurinn?

3.  Í hvaða heimsálfu er ríkið Malí?

4.  Karl Bretakóngur endurvakti nýlega tignarheitið hertogi af Edinborg sem ekki hafði verið í notkun um skeið. Hver varð hertogi af Edinborg við þetta tækifæri?

5. En hver var hertogi af Edinborg síðast?

6.  Eggert Ólafsson ferðaðist við annan mann um Ísland og skrifuðu þeir síðan fræga Ferðabók sem er einstæð lýsing á náttúru landsins og lífsháttum íbúa. En hvenær hófst ferðalag þeirra tvímenninga? Var það 1452 — 1552 — 1652 — 1752 — eða 1852?

7.  Og meðal annarra orða, hvað hét ferðafélagi Eggerts?

8.  Um dauða Eggerts Ólafssonar orti þjóðskáld eitt frægt kvæði sem hefst svo: „Þrútið var loft og þungur sjór, / þokudrungað vor. / Það var hann Eggert Ólafsson / sem ýtti frá kaldri ...“ Frá kaldri hvað?

9.  En hver orti þetta kvæði?

10.  Hvað heitir svæði það er íþróttafélagið Valur hefur aðsetur á í Reykjavík?

***

Seinni aukaspurning:

Hvaða hlutur er hér á ferð?

***

Svör við aðalspurningum:

1.  Konur fóru í kynlífsverkfall og neituðu eiginmönnum sínum um kynmök nema þeir hættu stríðsátökum.

2.  Aristófanes.

3.  Afríku.

4.  Játvarður, Edward, bróðir Karls.

5.  Filippus faðir Karls.

6.  1752.

7.  Bjarni Pálsson.

8.  Skor.

9.  Matthías Jochumsson.

10.  Hlíðarendi.

***

Svör við aukaspurningum:

Á efri myndinni eru Bítlarnir.

Á neðri myndinni er eldflaugin sem flutti Tinna til tunglsins.