Verkbann atvinnurekenda sem nær til um 20 þúsund félagsfólks Eflingar hefst á fimmtudag í næstu viku. Atvinnurekendur samþykktu verkbannið í allsherjar atkvæðagreiðslu sem stóð frá mánudegi til klukkan fjögur síðdegis í dag. Þetta kemur fram í tilkynningu frá Samtökum atvinnulífsins. Verkbannið hefst klukkan 12.00 fimmtudaginn 2. mars.
94,73 prósent greiddu atkvæði með verkbanninu en bara 3,32 prósent á móti. Í tilkynningu á vef SA er haft eftir Halldóri Benjamín Þorbergssyni, framkvæmdastjóra samtakanna, að ákvörðun að efna til verkbanns sé ekki tekin af léttúð. Verkbannið, segir hann, sé neyðarráðstöfun til að bregðast við yfirvofandi hrinu verkfalla „sem ætlað er að lama samfélagið en valda Eflingu sem minnstum tilkostnaði“.
Verkbannið sem hefst í næstu viku nær til miklu fleiri en þau verkföll sem Efling hafði boðað. Í tilkynningu SA segir að verkbannið sé ótímabundið en að því verði frestað, fresti Efling sínum verkföllum sömuleiðis.
Stjórn samtakanna, sem staðið hefur …
Það er því ekki undarlegt á neinn hátt þó spurt sé: Hvað gerðist sem varð þess valdandi að Vilhjálmur og Aðalsteinn tóku þá afdrifaríku ákvörðun að segja skilið við Eflingu, - já og VR, því þótt Ragnar hafi skrifað undir samninginn sem atvinnurekendaveldið rétti að honum, þá gerði hann það með óbragð í munni og ólíkt að hann muni nokkru sinni virða þá Knold og Tott, framsóknarmanninn á Skaganum og framsóknarmanninn á Norðausturlandi, viðlits eftir afrek þeirra á aðventunni síðustu.
Já, hvað gerðist? Íslenskt verkafólk á rétt á að vera upplýst, vafningalaust og án lyga og útúrsnúinga um hvað gerðist, sem varð þess valdandi að áformin um samræmda, róttæka kjarabaráttu verkafólks fór út um þúfur á óskiljanlegan hátt.