Ákvörðun Jóns Gunn­ars­sonar dóms­mála­ráð­herra um að hætta skuli rekstri sér­út­bú­innar flug­vélar Land­helg­is­gæslu Íslands og selja flug­vél­ina TF-SIF er ófor­svar­an­leg og ólög­leg, að mati Félags íslenskra atvinnu­flug­manna. Með þeirri ákvörð­un­inni er brotið gegn alþjóða­skuld­bind­ingum og vegið að þjóðar­ör­ygg­is­stefnu Íslands.

Þetta er inn­tak álykt­unar Félags íslenskra atvinnu­flug­manna um fyr­ir­hug­aða sölu á flug­vél Gæsl­unnar. Þar til­greina flug­menn að hvergi komi fram með hvaða hætti ráð­herra ætli að upp­fylla skyldur rík­is­ins þegar kemur að örygg­is­gæslu og björgun á hafi út, í sam­ræmi við alþjóð­legar skuld­bind­ingar, með til­liti til sam­starfs við önnur ríki og ákvæði íslenskra laga. Þær skyldur sé ekki hægt að upp­fylla án sér­út­bú­innar flug­vélar enda sé leitar- og björg­un­ar­svæði það sem Ísland ber ábyrgð á 1,9 millj­ónir fer­kíló­metra.

„Ísland ber ábyrgð á örygg­is­gæslu og lög­gæslu, leit og björgun á þessu svæði. Það að hafa ekki til­tæka sér­út­búna flug­vél líkt og TF-SIF til leitar á svona stóru svæði, þar sem umferð bæði flug­véla og skipa er mikil, og heldur áfram að aukast t.d. með auk­inni umferð bæði skemmti­ferða­skipa og frakt­flutn­inga­skipa, er með öllu óásætt­an­legt og vegur aug­ljós­lega gegn þjóðar­ör­yggi og alþjóð­legum skuld­bind­ingum íslenska rík­is­ins,“ segir í ályktun flug­manna.

Flugmenn vekja athygli á að ekki sé að finna heim­ildir í lögum um Land­helg­is­gæsl­una né í lögum um loft­ferðir heim­ildir til að fram­selja skyldur stofn­un­ar­innar um örygg­is­gæslu og lög­gæslu á haf­svæði Íslands. Þá telja flug­menn að með sölu á TF-SIF sé vegið að þjóðar­ör­ygg­is­stefnu Íslands og leiða að því líkum að ráð­herra hafi ekki upp­lýst þjóðar­ör­ygg­is­ráð um áform sín og þannig brugð­ist skyldum sínum.

Í álykt­un­inni er hnykkt á því að ekki sé heim­ild til sölu flug­vél­ar­innar í fjár­lögum eða fjár­auka­lögum, og því hafi ráð­herra tekið ákvörð­un­ina án heim­ildar frá Alþingi. „Upp­sagnir flug­manna vél­ar­innar án slíkrar heim­ildir er ekki hægt að túlka öðru­vísi en grimma atlögu að þeim starfs­mönnum Land­helg­is­gæsl­unnar. Upp­sagnir á störfum þess­ara flug­manna fela jafn­framt í sér brot á kjara­samn­ingi FÍA við Land­helg­is­gæsl­una og starfs­ald­urs­reglum sem eru hluti af þeim kjara­samn­ingi. Mun FÍA að sjálf­sögðu standa vörð um störf þeirra og leita atbeina Félags­dóms ger­ist þess þörf.“