Banda­ríski fjöl­miðla­mað­ur­inn Christopher Lydon (f. 1940) hefur allt frá árinu 2003 haldið úti þætt­inum Open Source, sem stærir sig af því að vera heims­ins fyrsta hlað­varp, en í upp­hafi hafði Lydon þann hátt­inn á að birta hljóð­skrá með þætt­inum í færslum á blogg­síðu sinni, og félagi hans útbjó RSS-streymi með þátt­unum.

Efnistök þátt­anna eru marg­vís­leg. Lydon fjallar mikið um bók­menntir og listir, auk þess að rýna í sam­fé­lags­mál, stjórn­mál og alþjóða­mál. Sjálfur sperri ég helst eyrun þegar umræðan bein­ist að alþjóða­málum, en Lydon kallar til sín sér­fræð­inga héðan og þaðan úr banda­rísku og alþjóð­legu fræða­sam­fé­lagi og á hrein­skiptin, kvik og fræð­andi sam­töl, um marg­vís­leg mál­efni. 

Staða og hlut­verk Banda­ríkj­anna í heim­inum er Lydon hug­leikin og oft til umræðu í þætt­inum. Undir lok síð­asta árs fóru í loftið tveir þættir af hlað­varp­inu sem sér­stak­lega er hægt að mæla með. Humane Wartime heitir þáttur sem fór í loftið um miðjan októ­ber, en þar er rætt um her­veldið Banda­ríkin og þau óljósu skil sem hafa orðið á stríði og friði í stans­lausum stríðum und­an­far­inna ára­tuga. Í byrjun nóv­em­ber birt­ist svo þátt­ur­inn Polycrisis, sam­tal Lydons við sagn­fræð­ing­inn Adam Tooze um marg­vís­legar krísur sem heim­ur­inn stendur frammi fyrir um þessar mundir.

Nýir þættir af Open Source koma venju­lega inn á hlað­varpsveitur á föstu­dögum. Sperrið eyrun.