Dreng­ur­inn með ljá­inn er nýút­komin bók Ævars Þórs Bene­dikts­sonar, sem öll börn á Íslandi þekkja sem Ævar vís­inda­mann. Til vitnis um hversu stór breyta Ævar er í barna­menn­ingu vil ég nefna að ég hef unnið mikið með börnum í verk­efni þar sem þau fá öllu að ráða. Af og til ræðum við krakk­arnir hverja við værum til í að fá á við­burði okkar, mik­il­vægt fólk sem getur breytt ein­hverju í sam­fé­lag­inu, sem þau telja að sé fólkið sem raun­veru­lega skiptir máli á Íslandi. Það bregst ekki að krakk­arnir nefna ann­ars vegar for­seta Íslands og hins vegar Ævar vís­inda­mann.

Enda eru fáir afkasta­meiri þegar kemur að barna­menn­ingu – Ævar hefur gefið frá sér þrjár bækur bara á þessu ári, og Dreng­ur­inn með ljá­inn er hans þrí­tug­asta bók.

Það er auð­vitað eitt­hvað skakkt við að vera full­orð­inn bóka­gagn­rýn­andi að gagn­rýna barna­bók. Ég átta mig á að mark­hóp­ur­inn er ekki ég, …