Ísland tekur við hlut­falls­lega færri flótta­mönnum en flest þeirra ríkja sem eiga aðild að Efnahags- og þró­un­ar­stofnuninni (OECD). Þetta kemur fram í nýlegri skýrslu stofn­un­ar­innar. Gögn sem tekin voru saman um miðjan sept­em­ber sýna að af þeim ríkjum sem eiga aðild að stofn­un­inni hafi Ísland tekið við fjórum flótta­mönnum á hverja þús­und íbúa. Eistland, sem trónir á toppi list­ans, hefur tekið á móti fjöru­tíu og einum flótta­manni á hverja þús­und íbúa. Ísland leggur því um það bil tíu sinnum minna til sam­starfs svo­kall­aðra þró­aðra ríkja heldur en Eistland og önnur ríki sem eru ofar­lega á list­anum og má þar til dæmis nefna Pólland og Tékkland.

Gögn Efnahags- og þró­un­ar­stofn­un­ar­innar ganga þvert á orð Jóns Gunn­ars­sonar, dóms­mála­ráð­herra og þing­manns Sjálf­stæð­is­flokks­ins, sem hefur sagt að fram­lag Íslands til flótta­manna­sam­starfs­ins sé hlut­falls­lega meira en hjá öðrum ríkjum. „Við erum í raun og veru með rýmri reglur …