Benedikt K. Magnússon, fjármálastjóri Orkuveitunnar, hefur ekki lengur aðgengi að fjárhagsupplýsingum tengdum Ljósleiðaranum, fyrirtækis í eigu Orkuveitunnar. Ástæðan er staða eiginkonu hans, Petreu Ingileifar Guðmundsdóttur, sem stjórnarformanns Sýnar. Fyrr í kvöld upplýsti Petrea að hún ætlaði ekki að gefa kost á sér til áframhaldandi setu í stjórn fyrirtækisins á komandi hluthafafundi vegna þess að í „lok liðinnar viku setti forstjóri OR honum afarkosti vegna starfs síns, haldi ég áfram í stjórn.“

Í yfirlýsingu Petreu kom fram að Benedikt hefði verið gert ljóst að hann gæti ekki sinnt starfinu sem skyldi vegna mögulegrar ásýndar hagsmunaárekstra, sem myndi því leiða af sér brottvikningu hans úr starfi. 

Benedikt var ráðinn til Orkuveitunnar í mars á þessu ári. Í yfirlýsingu Petreu kom fram að hún hefði ekki haft neinn aðgang að upplýsingum um samstarfssamning sem gerður hefur verið á milli fyrirtækjanna tveggja eða öðrum málum sem varða Ljósleiðarann og Sýn. „Vandað hefur verið til …