952. spurningaþraut: Hvað er karl að gera?

Fyrri auka­spurn­ing:

Hvað heitir stúlkan á mynd­inni?

***

Aðal­spurn­ing:

1.  Hvað nefnd­ust her­skip vík­inga?

2.  En flutn­inga­skip þeirra?

3.  Hvaða þjóð not­að­ist hins vegar við svo­kall­aða „konu­báta“?

4.  Hversu margir leik­menn spila hverju sinni í hvoru liði í hand­bolta­leik — að með­töldum mark­verði vita­skuld?

5.  Árið 2017 fékk nýkjör­inn for­seti Íslands, Guðni Th. Jóhann­es­son, fín­ustu orðu Dana, en hana fá ein­göngu vin­veittir þjóð­höfð­ingjar og allra fín­asta kóngaslektið. Bæði Vigdís og Ólafur Ragnar fengu líka orð­una sem aðeins um 60 manns bera nú. Orðan er af ein­hverjum ástæðum kennd við dýr sem aldrei hefur búið í Danmörku — nema í dýra­görðum í seinni tíð — þótt skyld dýr loðin hafi kannski þram­mað þar um á ísald­ar­tímum. Hvaða dýr eru þetta?

6.  Ég var bara eins og gengur ást­fang­inn og sak­laus drengur, er þú gafst mér undir fót­inn. En hvar fórum við á stefnu­mótin? 

7.  Hvaða heims­frægi tón­list­ar­maður sendi frá sér plöt­una Desire árið 1976 og svo tveim árum seinna Street-Legal?

8.  Á íslensku og fleiri málum eru fjögur höf eða haf­svæði nefnd eftir litum. Nefnið þau öll!

9.  Aðeins í einni Íslend­inga­sögu nefnir höf­undur sjálfan sig — þótt hann þá tali reyndar um sjálfan sig í fleir­tölu — „vér“ en ekki „ég“. Hvaða sögu er hér um að ræða? — Hér er lár­við­ar­stig í boði ef þið munið svona því sem næst þá setn­ingu sem hér er um að ræða.

10.  Í hvaða borg eru hverfi sem heita m.a. Charlottenburg, Pankow, Neukölln, Kreuzberg ...?

***

Seinni auka­spurn­ing:

Hvað er karl­inn að gera?

***

Svör við aðal­spurn­ingum:

1.  Langskip.

2.  Knerrir, ein­tala knörr.

3.  Inúítar á Græn­landi.

4.  Sjö.

5.  Fílar.

6.  Fyrir sunnan Frí­kirkj­una. Hér er vitnað til kvæð­is­ins Fyrir átta árum eftir Tómas Guð­munds­son.

7.  Bob Dylan.

8.  Svarta hafið, Hvíta hafið, Rauða hafið, Gula hafið.

9.  Þetta er í Njálu. Loka­setn­ing hennar er svona: „Og lúkum vér þar Brennu-Njáls sögu.“ Hana þurf­iði að hafa svona nán­ast staf­rétta til að fá lár­við­ar­stig en þó kannski ekki alveg.

10.  Berlín.

***

Svör við auka­spurn­ingum:

Á efri mynd­inni er Jodie Foster.

Á neðri mynd­inni er karl­inn að stýra fal­l­öxi.