Fyrri aukaspurning:

Hvaða fuglar synda hér?

***

Aðalspurningar:

1.  Rúnar Júlíusson fékkst við margt um ævina og var í mörgun hljómsveitum. Þar á meðal mynduðu hann og annar músíkant dúetinn GCD. Hver var hinn músíkantinn?

2.  Á heimsstyrjaldarárunum síðari voru framleiddir í Bandaríkjunum 650.000 jeppar („jeep“) af ákveðinni gerð. Hvað hét fyrirtækið sem þróaði jeppana, framleiddi þá og þeir voru kenndir við?

3.  Hvar á Vestfjörðunum er Skrímslasetrið?

4.  Hvað hét málarinn Picasso að skírnarnafni?

5.  Frá hvaða landi kom Óskarsverðlaunamyndin Parasite?

6.  Í hvaða Íslendingasögu kemur Illugi Ásmundsson við sögu?

7.  Valletta heitir höfuðborg í eyríki einu í Evrópu. Hvað nefnist ríkið?

8.  En hvaða landi er höfuðborgin Ríad?

9.  Í íslenskum þjóðsögum er stundum getið um sækýr, sem komu úr sjónum en voru alveg eins og venjulegar kýr nema ... hvað? Hér má nefna tvennt en annað dugar til stigs.

10.  Ásdís Kristjánsdóttir er bæjarstjóri í einum stærsta landsins, það er að segja ... hvaða bæ?

***

Seinni aukaspurning:

Hér má sjá yfirlitsmynd af Google Earth af einni kunnri hafnarborg í Evrópu. Hvað heitir hún?

***

Svör við aðalspurningum:

1.  Bubbi Morthens.

2.  Willys.

3.  Bíldudal.

4.  Pablo.

5.  Suður-Kóreu.

6.  Grettissögu.

7.  Malta.

8.  Sádi-Arabía.

9.  Blöðru mikla yfir nösunum. Og svo sneru klaufirnar stundum aftur.

10.  Kópavogi.

***

Svör við aukaspurningum:

Á efri myndinni eru æðarfuglar.

Á neðri myndinni má sjá yfir Liverpool á Bretlandi.