Fyrri aukaspurning:

Hvað heitir konan á myndinni?

***

Aðalspurningar:

1.  Hvað hét útgerðarfyrirtæki Thor Jensens og sona hans?

2.  Hvað nefnist fyrsta kirkjan á Grænlandi — ef trúa skal heimildum?

3.  Úr hvaða meginjökli á Íslandi falla skriðjöklarnir Morsárjökull, Brúarjökull, Rjúpnabrekkujökull og Hrútárjökull?

4.  Árið 2017 uppgötvaðist fyrirbæri sem sumir vildu í byrjun nefna Rama en fékk á endanum nafnið 'Oumuamua. 'Oumuamua er allt að 1.000 metra langt en annars er flest á huldu um það. En hvað er þó vitað?

5.  Og meðal annarra orða — úr tungumáli íbúa á hvaða eyjaklasa er heiti fyrirbærisins 'Oumuamua komið?

6.  Hvað er merkilegt við kött Schrödingers?

7.  Kötturinn er kenndur við Erwin Schrödinger sem var afar merkilegur maður á sínu sviði. Löngu eftir að hann dó 1961 kom á daginn að Schrödinger átti sér einnig aðra hlið. Hver var hún?

8.  Hver eru tvö algengustu frumefnin í mannslíkama?

9.  Hvað heitir skákfélagið sem Hrafn Jökulsson hefur haldið úti af miklum eldmóði árum saman?

10.  Árið 1982 var frumsýnd gríðarlega vinsæl og áhrifamikil science-fiction bíómynd af nafni Blade Runner. Hver leikstýrði henni?

***

Seinni aukaspurning:

Fáni hvaða ríkis er þetta?

***

Svör við aðalspurningum:

1.  Kveldúlfur.

2.  Þjóðhildarkirkja.

3.   Vatnajökli.

4.  Einhvers konar fyrirbæri sem kemur úr öðru sólkerfi og sveiflaðist um sólu. Hugsanlega (en ekki líklega) einhvers konar vél.

5.  Orðið er úr máli íbúa á Havaí.

6.  Hann virðist vera dauður og lifandi á sama tíma.

7.  Hann var barnaníðingur, níddist á ungum stúlkum.

8.  Súrefni og vetni — saman í formi vatns.

9.  Hrókurinn.

10.  Ridley Scott.

***

Svör við aukaspurningum:

Á efri myndinni er Ginger Rogers í einni af fjölmörgum bíómyndum sínum með Fred Astaire.

Á neðri myndinni er fáni Ítalíu.