Þessi grein birtist upphaflega í Stundinni fyrir meira en ári.

Jón Skaftason fer fyrir nýju Sýnarblokkinni

Eig­in­mað­ur Hild­ar Björns­dótt­ur, odd­vita Sjálf­stæð­is­flokks­ins í borg­ar­stjórn, fer fyr­ir hópn­um sem er nú stærsti hlut­haf­inn í Sýn, sem á Voda­fo­ne og fjöl­miðl­ana Stöð 2, Vísi og Bylgj­una. Hann er við­skipta­fé­lagi Jóns Ás­geirs Jó­hann­es­son­ar til margra ára.

Jón Skaftason fer fyrir nýju Sýnarblokkinni
Tengsl í stjórnmál og viðskiptablokkir Fyrirsvarsmaður nýrra hluthafa í Sýn er eiginmaður oddvita Sjálfstæðisflokksins í borginni og tengdur fyrri eigendum fjölmiðlanna, Jóni Ásgeiri Jóhannessyni og Ingibjörgu Pálmadóttur.

Nýr fyrirsvarsmaður stærsta hluthafans í Sýn er viðskiptafélagi Jóns Ásgeirs Jóhannessonar og Ingibjargar Pálmadóttur, fyrrum eigenda fjölmiðla Sýnar, til margra ára. Ekki hefur komið fram hver verður nýr forstjóri Sýnar eftir breytingar á hluthafahópnum í morgun.

Félagið Gavia Invest ehf. hefur eignast 14,95 prósenta hlut í Sýn samkvæmt flöggun Seðlabankans til Kauphallarinnar í dag. Verður félagið þar með stærsti hluthafinn í Sýn. Félagið er  fjárfestingafélag í eigu Info Capital ehf., sem er í eigu Reynis Grétarssonar og Hákons Stefánssonar, E&S 101 ehf. sem Jonathan R. Rubini, Andri Gunnarsson og Mark Kroloff fara fyrir og Pordoi ehf í eigu Jóns Skaftasonar. Jón er fyrirsvarsmaður nýju hluthafanna, að því fram kemur í tilkynningunni.

Eins og greint var frá í morgun hefur Heiðar Guðjónsson selt öll bréf sín í Sýn og hættir sem forstjóri fyrirtækisins. Félag Heiðars, Ursus ehf., átti 12,72 prósenta hlut í Sýn en á ekkert í félaginu eftir viðskiptin. Var hann stærsti einkafjárfestirinn í fyrirtækinu sem að stórum hluta er í eigu lífeyrissjóða. Söluverð hlutarins hefur ekki komið fram. Aðeins eru tæpir tveir mánuðir síðan Heiðar jók við hlut sinn í félaginu og keypti bréf fyr­ir 115 millj­ón­ir.

Heiðar hefur verið forstjóri Sýnar frá 2019 og var áður formaður stjórnar félagsins. Sýn hf. rekur meðal annars Vodafone og fjölmiðlana Vísi, Stöð 2, Bylgjuna og fleiri tengda miðla.

Viðskiptafélagi Jóns Ásgeirs til margra ára

Jón Skaftason, fyrirsvarsmaður kaupanna í Sýn, er lögfræðingur og hefur hann starfað fyrir fyrirtæki Jóns Ásgeirs um árabil. Hann var, þar til í lok mars, framkvæmdastjóri fjárfestingarfélagsins Strengs, stærsta einstaka hluthafa fjárfestingarfélagsins SKEL, sem áður hét Skeljungur, auk þess að vera stjórnarformaður fasteignafélagsins Kaldalóns þar til í apríl. SKEL er, auk þess að vera stærsti hluthafi Skeljungs, stærsti einstaki hluthafi Kaldalóns. Jón Ásgeir er stjórnarmaður fjárfestingarfélagsins SKEL vegna eignarhalds félaga eiginkonu hans, Ingibjargar Pálmadóttur, á hlutabréfum í fyrirtækinu.

Tengsl Jóns við þessa viðskiptablokk fléttuðust inn í prófkjör Sjálfstæðisflokksins fyrir borgarstjórnarkosningar í vor, en Hildur Björnsdóttir, eiginkona Jóns, sigraði í prófkjörinu og leiddi lista flokksins í kosningunum. Óundirritað dreifibréf var borið í hús til skráðra sjálfstæðismanna í aðdraganda prófkjörs til að benda á störf Jóns fyrir Jón Ásgeir og möguleg neikvæð áhrif þar af leiðandi á gengi flokksins í kosningunum sem þá voru framundan.

Jón Ásgeir og Ingibjörg voru lengi eigendur fjölmiðlanna sem nýju hluthafarnir eignast með viðskiptunum í dag. Jón Ásgeir var eigandi Baugs fram að bankahruni 2008 og þar með 365 miðla sem ráku Stöð 2, Vísi og Bylgjuna sem öll tilheyra Sýn í dag. Ingibjörg varð síðar forstjóri og aðaleigandi 365 miðla þar til móðurfélag Vodafone keypti flesta miðla þess árið 2017. Í kjölfarið fóru af stað málaferli vegna meintra brota á samkeppnisákvæðum kaupsamningsins af hálfu Jóns Ásgeirs og Ingibjargar, en þau voru sýknuð af 1,6 milljarða kröfu Sýnar í héraðsdómi fyrr í þessum mánuði. 

Annar fjölmiðill sem heyrði undir 365 miðla á sínum tíma, Fréttablaðið, var aftur í eigu Ingibjargar þar til árið 2019 þegar Helgi Magnússon keypti félagið Torg og miðla þess. Lét Ólöf Skaftadóttir, systir Jóns, af störfum sem ritstjóri blaðsins, en móðir þeirra systkina, Kristín Þorsteinsdóttir, var útgefandi og áður ritstjóri Fréttablaðsins á meðan það var í eigu Ingibjargar. Jón var áður blaðamaður á Markaðnum, viðskiptablaði Fréttablaðsins, samhliða laganámi.

Ekki náðist í Jón Skaftason við vinnslu fréttarinnar.

Fjárfestir með réttarstöðu sakbornings

Aðrir úr fjárfestahópnum eiga fjölbreytta sögu úr íslensku viðskiptalífi. Reynir Grétarsson er einn stærsti hluthafi CreditInfo og fyrrum forstjóri þess. Hákon Stefánsson var einnig forstjóri CreditInfo um tíma, en fjárfestingarfélag þeirra tveggja, Info Capital ehf., hefur fjárfest víða í íslensku viðskiptalífi undanfarin ár, meðal annars í bönkum og í Icelandair.

Fyrir félaginu E&S 101 ehf. fara Jonathan R. Rubini, ríkasti maður Alaska-ríkis í Bandaríkjunum, sem helst hefur auðgast á fasteignaviðskiptum, og viðskiptafélagi hans Mark Kroloff. Þar er einnig Andri Gunnarsson lögmaður og eigandi Nordik lögfræðiþjónustu. Hann er sonur Gunnars Einarssonar, fyrrverandi bæjarstjóra og oddvita Sjálfstæðisflokksins í Garðabæ.

Andri GunnarssonNýr hluthafi í Sýn er með réttarstöðu sakbornings í umfangsmiklu skattalabrotamáli.

Andri er með réttarstöðu sakbornings í rannsókn skattrannsóknarstjóra og héraðssaksóknara á umfangsmiklum skattalagabrotum útflutningsfyrirtækisins Sæmark ehf. Húsleit var gerð á lögmannsstofu Andra árið 2018 og einnig á heimili Sigurðar Gísla Björnssonar, eiganda Sæmark, vegna brota sem snúa að vantöldum skattstofni frá árunum 2011-2016 upp á tæplega 1,3 milljarða króna. Andri og Sigurður hafa komið saman að viðskiptum með bréf í tryggingafélaginu VÍS og Kortaþjónustunni í gegnum félagið Óskabein ehf. og var Andri einnig lögmaður Sigurðar. Nafn Sigurðar kom fram í Pana­maskjöl­un­um og varð það kveikj­an að rann­sókn skatt­rann­sókn­ar­stjóra.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Söluráðgjafar fengu þóknun fyrir sölu á Íslandsbanka þrátt fyrir að hafa brotið lög
2
Greining

Sölu­ráð­gjaf­ar fengu þókn­un fyr­ir sölu á Ís­lands­banka þrátt fyr­ir að hafa brot­ið lög

Banka­sýsla rík­is­ins ætl­ar ekki að taka ákvörð­un um hvort hún greiði sölu­ráð­gjöf­um val­kvæða þókn­un fyr­ir að­komu sína að sölu á hlut í Ís­lands­banka fyr­ir rúm­um tveim­ur ár­um fyrr en at­hug­un Fjár­mála­eft­ir­lits­ins á þætti þeirra í sölu­ferl­inu ligg­ur fyr­ir. Eft­ir­lit­ið hef­ur þeg­ar lok­ið at­hug­un á tveim­ur ráð­gjöf­um og komst að þeirri nið­ur­stöðu að báð­ir hefðu brot­ið gegn lög­um.
KS kaupir Kjarnafæði – Skagfirska efnahagssvæðið orðið Norðurland allt
3
Skýring

KS kaup­ir Kjarna­fæði – Skag­firska efna­hags­svæð­ið orð­ið Norð­ur­land allt

Kaup­fé­lag Skag­firð­inga mun ekki þurfa að bera kaup sín á Kjarna­fæði und­ir Norð­lenska Sam­keppnis­eft­ir­lit­ið, eft­ir að Al­þingi und­an­skyldi fyr­ir­tæk­in sam­keppn­is­lög­um. KS fær yf­ir­burð­ar­stöðu á kjöt­mark­aði. Kjarna­fæði sam­ein­að­ist Norð­lenska fyr­ir tveim­ur ár­um með ströng­um skil­yrð­um, sem falla nú nið­ur. Verð­laus hlut­ur þing­manns, sem harð­ast barð­ist fyr­ir sam­keppn­isund­an­þág­un­um, í KN, er orð­inn millj­óna­virði.
„Það er ekkert eftir“
5
GreiningMillistétt í molum

„Það er ekk­ert eft­ir“

Þrátt fyr­ir að um helm­ing­ur hjóna­banda endi með skiln­aði virð­ist kerf­ið ekki miða við for­eldra sem vana­lega eru kall­að­ir ein­stæð­ir – en eru í þess­ari grein kall­að­ir sjálf­stæð­ir. Heim­ild­in fékk á þriðja tug þátt­tak­enda til að svara spurn­ing­um um lífs­kjör sín. Svör­in sem bár­ust kall­ast vel á við lífs­kjarak­ann­an­ir sem fram­kvæmd­ar hafa ver­ið að und­an­förnu.
Lögfræðingar borgarinnar skoða styrki til Betra lífs
7
FréttirBrostnar vonir á Betra lífi

Lög­fræð­ing­ar borg­ar­inn­ar skoða styrki til Betra lífs

Lög­fræð­ing­ar vel­ferð­ar­sviðs eru að skoða styrki sem Reykja­vík­ur­borg veitti áfanga­heim­il­inu Betra líf á ár­un­um 2020-2023. Þetta kem­ur til eft­ir að Heim­ild­in fjall­aði um að rang­ar upp­lýs­ing­ar hefðu ver­ið í styrk­umsókn­um. Í fyr­ir­spurn vegna máls­ins er með­al ann­ars spurt hvort lit­ið sé á þetta sem til­raun til fjár­svika en eng­in svör fást að svo stöddu.

Mest lesið í mánuðinum

Þau sem hafa hagnast ævintýralega á Þorpinu
1
FréttirHúsnæðismál

Þau sem hafa hagn­ast æv­in­týra­lega á Þorp­inu

Ár­ið 2021 keypti hóp­ur fjár­festa í gegn­um eign­ar­halds­fé­lag­ið Þorp­ið 6 ehf. lóð­ir og bygg­ing­ar­rétt­indi á Ár­túns­höfða í Reykja­vík fyr­ir 7,4 millj­arða króna. Fyrr á þessu ári voru lóða­rétt­ind­in seld fyr­ir ell­efu millj­arða króna án þess að nokk­uð hafi ver­ið byggt á svæð­inu. Við­skipt­in sýna vel hvernig fjár­fest­ar geta hagn­ast æv­in­týra­lega með því að kaupa og selja lóð­ir og bygg­ing­ar­rétt­indi á til­tölu­lega skömm­um tíma.
Hulduheildsali flytur inn hundruð tonna af kjöti
3
RannsóknSamkeppnisundanþága í Landbúnaði

Huldu­heild­sali flyt­ur inn hundruð tonna af kjöti

Ris­ar á ís­lensk­um kjöt­mark­aði, sem fengu í vor um­deild­ar und­an­þág­ur frá sam­keppn­is­lög­um til þess að verj­ast sam­keppni að ut­an, verða á þessu ári um­fangs­mest­ir í kjöt­inn­flutn­ingi og því keppi­naut­ar sjálfs sín. „Von­brigði,“ seg­ir formað­ur at­vinnu­vega­nefnd­ar. Um­fangs­mik­il heild­sala á hundruð­um tonna af inn­fluttu kjöti virð­ist fyrst og síð­ast leiktjald fyr­ir öfl­ug­asta hags­muna­afl­ið gegn inn­flutn­ingi land­bún­að­ar­vara.
Tvíburasystur óléttar samtímis: „Þetta er draumurinn“
4
Viðtal

Tví­bura­syst­ur ólétt­ar sam­tím­is: „Þetta er draum­ur­inn“

Tví­bur­ar, sem lík­lega eru eineggja, gengu sam­tals í gegn­um þrjú fóst­ur­lát á inn­an við ári og voru um tíma óviss­ar um að þeim tæk­ist nokk­urn tím­ann að eign­ast börn. En nú hef­ur birt til og þær eiga von á börn­um með tæp­lega tveggja mán­aða milli­bili. Gen barn­anna verða lík­lega eins lík og hálf­systkina vegna mik­illa lík­inda með genum mæðr­anna.
„Ég var bara niðurlægð“
5
Viðtal

„Ég var bara nið­ur­lægð“

Séra Agnes M. Sig­urð­ar­dótt­ir, bisk­up Ís­lands, vill skila skömm­inni til kirkju­þings þar sem hún upp­lifði nið­ur­læg­ingu eft­ir að óvissa varð uppi um lög­mæti embætt­is­gjörða henn­ar. Hún seg­ir að kirkju­þing hafi átt að greiða úr mál­inu og eyða óvissu um stöðu henn­ar. Agnes tel­ur að karl­kyns bisk­up hefði aldrei þurft að þola slíka fram­komu af hálfu kirkju­þings en hún er fyrsta kon­an sem er kjör­in bisk­up.
Running Tide og ráðherrarnir - Koma af fjöllum um eftirlitsleysið
8
FréttirRunning Tide

Runn­ing Tide og ráð­herr­arn­ir - Koma af fjöll­um um eft­ir­lits­leys­ið

Blaða­menn Heim­ild­ar­inn­ar tóku við­töl við þrjá ráð­herra um að­komu þeirra að því að Runn­ing Tide fékk leyfi stjórn­valda til starf­semi á Ís­landi. Um­hverf­is­ráð­herra sagði ein­ung­is hafa haft full­yrð­ing­ar for­svars­manna fyr­ir­tæk­is­ins fyr­ir því að starf­sem­in væri „stærsta ein­staka kol­efn­is­föng­un­ar­verk­efni í heimi“. Ut­an­rík­is­ráð­herra seg­ist ekki geta svar­að því hvort hún hafi skap­að for­dæmi sem leyfi nú að af­gangstimbri verði hent í sjó­inn í stór­um stíl.

Mest lesið í mánuðinum

Nýtt efni

Mest lesið undanfarið ár