Fyrri aukaspurning:

Úr hvaða kvikmynd, eða kvikmyndaröð, er skjáskotið hér að ofan?

***

Aðalspurningar:

1.  Hver er kvaðratrótin af 9?

2.  Hvað þýðir orðið nostalgía?

3.  Árin 1919 og 1928 voru gerðar fyrstu tilraunir að stofna flugfélög á Íslandi. Bæði félögin hétu Flugfélag Íslands en urðu mjög skammlíf. Árið 1937 var hins vegar stofnað flugfélag sem óx og dafnaði og árið 1940 var skipt um nafn á því og það tók, eins og fyrri félögin, upp nafnið Flugfélag Íslands. Hvað hafði þetta lífvænlega félag heitið fyrstu þrjú árin?

4.  Hvað hét biskupsdóttirin í Skálholti sem mátti á 17. öld sverja opinberan skírlífseið?

5.  En hvað hét ungi karlinn sem hún sór af sér með þessum hætti — þótt hún eignaðist síðar barn með honum? Hér dugar skírnarnafn hans.

6.  Þegar biskupsdóttir dó var frumfluttur við útför hennar sálmur sem kunnur er undir nafninu ... ?

7.  Hver orti þann sálm?

8.  Í hvaða landi er borgin Turku?

9.  Önnur borg heitir hins vegar Tarsus. Í hvaða ríki er hún nú um stundir?

10.  Margir hafa fæðst og lifað í Tarsus gegnum tíðina. Það er hins vegar alveg óhætt að segja að einn karl, löngu dauður, sé frægari og áhrifameiri en allir aðrir íbúar Tarsus fyrr og síðar. Undir hvaða nafni þekkjum við hann?

***

Seinni aukaspurning:

Hvaða fyrirbæri má sjá hér að neðan?

***

Svör við aðalspurningum:

1.  3.

2.  Eftirsjá.

3.  Flugfélag Akureyrar.

4.  Ragnheiður Brynjólfsdóttir.

5.  Daði.

6.  Allt eins og blómstrið eina.

7.  Hallgrímur Pétursson.

8.  Finnlandi.

9.  Tyrklandi.

10.  Páll postuli.

***

Svör við aukaspurningum:

Efri myndin er úr myndaröðinni Scream.

Neðri myndin er af Miðgarðsormi.