Þessi 700. þraut er helguð Guðrúnu Helgadóttur rithöfundi sem lést á dögunum.

Fyrri aukaspurning:

Furðu lítið hefur ennþá verið kvikmyndað af sögum Guðrúnar en myndin hér að ofan er þó úr bíómynd sem gerð var eftir einum sagnabálki hennar um ... um hvað?

***

Aðalspurningar:

1.  Hvar fæddist Guðrún og ólst upp?

2.  Guðrún lagði fyrir sig stjórnmál í 20 ár. Fyrir hvaða flokk sat hún lengst af á Alþingi?

3.  Í tengslum við stjórnmálaferilinn gegndi hún fyrst kvenna ákveðnu starfi. Hvað var það?

4.  Í fyrstu bók hennar kemur fyrir persóna sem kölluð er „Amma Dreki“. Hvað starf hefur sú góða kona með höndum?

5.  Guðrún var sannkallaður brautryðjandi í að sýna lesendum fram á að bera ætti jafna virðingu fyrir öllum, einnig þeim sem væru svolítið öðruvísi en flestir. Þetta gerði hún með persónu í einum bókaflokki sínum, en sú persóna er einmitt svolítið öðruvísi en flestir og verður fyrir hryggilegu einelti. Sem betur fer koma þó söguhetjur Guðrúnar henni til hjálpar. Hvað heitir persónan?

6.  Ein af mörgum vinsælum sögupersónum Guðrún var upphaflega tuskustrákur í Stundinni okkar. Hvað hét sú persóna?

7.  Eitt af helstu stórvirkjum Guðrúnar var sagnabálkurinn Sitji guðs englar. Þar segir ekki síst frá stúlku einni, elstu dótturinni í stórum systkinahópi, sem berst við að halda öllu í skikkanlegu standi. Hvað heitir sú persóna?

8.  Guðrún skrifaði þrjú leikrit fyrir börn og var hið fyrsta vinsælast og er reglulega sett upp aftur. Hvað heitir það leikrit?

9.  Guðrún fékk norrænu barnabókaverðlaunin árið 1990 fyrir magnaða sögu sem nefnist ... hvað?

10.  Hér eru nokkur bókarheiti. Fjögur þeirra notaði Guðrún á bækur sínar en eitt þeirra er tilbúningur. Hvaða bók skrifaði hún semsé EKKI? — Í ömmuhúsi — Litlu greyin — Sænginni yfir minni — Ekkert að þakka — Handagúndavél og ekkert minna.

Svo er hér sérstök aukaspurning sem gefur lárviðarstig:

Eina skáldsögu gaf Guðrún út árið 2000 sem var ekki sérstaklega ætluð börnum. Hvað nefnist hún?

***

Seinni aukaspurning:

Guðrún skrifaði nokkrar teiknimyndabækur og myndin hér að neðan er úr einni þeirra. Brian Pilkington teiknaði en hvað heitir sagan?

***

Svör við aðalspurningum:

1.  Hafnarfirði.

2.  Alþýðubandalagið.

3.  Forseti sameinaðs Alþingis. Alþingi starfaði þá í tveim deildum og því hét embættið þetta en ég ætla að gefa rétt fyrir forseta Alþingis líka.

4.  Erindreki.

5.  Selma.

6.  Páll Vilhjálmsson.

7.  Heiða.

8.  Óvitar.

9.  Undan illgresinu.

10.  Öll bókarheitin eru rétt nema Í ömmuhúsi. Guðrún gaf hins vegar út bók sem heitir í afahúsi.

Og „fullorðinsbókin“ heitir Oddaflug.

***

Svör við aukaspurningum:

Efri myndin sýnir atriði úr bíómynd um þá Jón Bjarna og Jón Odd.

Neðri myndin sýnir hluta af kápumynd Ástarsögu úr fjöllunum.