Olga Dibrova, sendi­herra Úkraínu gagn­vart Íslandi, afhenti skip­un­ar­bréf sitt síð­degis og hélt að því loknu blaða­manna­fund í utan­rík­is­ráðu­neyt­inu. Hún sagði þar að íbúar Úkraínu hefðu síð­ustu daga þurft að læra að vera til í nýjum veru­leika þar sem þeim kæmi ekki dúr á auga og þar sem tár íbúa lands­ins hefðu runnið í stríðum straumi.

„En núna er þjóðin hætt að gráta vegna þess að hún þarf að verja landið sitt. Og við munum berj­ast til síð­asta blóð­dropa til að verja landið og ég er ekki aðeins að tala um her­menn því að óbreyttir borg­arar, konur og karlar hafa gripið til vopna,“ sagði Olga Dibrova á blaða­manna­fund­inum í dag.  

Olga Dibrova segir að kjarn­orkuógnin sé raun­veru­leg. Það hafi í fyrstu verið erfitt að trúa því að ráð­ist hefði verið inn í Evr­ópu­land á 21 öld­inni. Það sé hins vegar stað­reynd.

Mynd: Aron Daði