Fyrri aukaspurning:

Hvaða söguhetju er verið að túlka á myndinni hér að ofan?

***

Aðalspurningar:

1.  Í hvaða landi er borgin Narvik?

2.  Annalena Baerbock var á æskuárum landsliðsmaður í fimleikum á trampólíni en hefur nú nýtekið við býsna valdamiklu starfi í Evrópuríki einu. Hvaða starf er það?

3.  Hvaða á fellur til sjávar í botni Hvalfjarðar?

4.  Hið svonefnda „fótboltastríð“ braust út milli tveggja landa árið 1969. Það var alvöru stríð, eða stefndi að minnsta kosti í að verða það, en stríðsátökum var afstýrt eftir fáeina sólarhringa. Nefnið að minnsta kosti annað ríkið sem átti hlut að þessu stríði. Ekkert er dregið frá þótt hitt ríkið kunni að vera rangt.

5.  Gervilimrur hét bók sem út kom í fyrra og hafði að geyma limrur í léttum dúr eftir nýlátinn listamann. Hver var sá?

6.  Hversu margar ljóðlínur eru annars í venjulegri limru?

7.  Hvaða fyrirtæki framleiðir leikjatölvuna Playstation?

8.  Hvað hét fyrsti íslenski ráðherrann?

9.  Hver samdi ljóðabækurnar Ljóð vega salt, Ljóð vega menn og Ljóð vega gerð?

10.  Í nágrenni London var þorp með turni sem var notaður sem viðmiðun þegar kerfi lengdarbauga var teiknað upp fyrir Jörðina. Sami turn var notaður til tímasetningar og klukkan annars staðar í heiminum reiknuð út frá honum. Nú er þorpið vaxið saman við London en turninn er þó enn á sínum stað. Hvað heita þorpið og turninn? 

***

Seinni aukaspurning:

Hver er þetta?

***

Svör við aðalspurningum:

1.  Noregi.

2.  Hún er nýr utanríkisráðherra Þýskalands.

3.  Botnsá.

4.  Stríðið var háð milli El Salvador og Honduras.

5.  Gísli Rúnar.

6.  Fimm.

7.  Sony.

8.  Hannes Hafstein.

9.  Sigurður Pálsson.

10.  Greenwich.

***

Svör við aukaspurningum:

Á efri myndinni er leikari að túlka Zorro.

Á neðri myndinni er stytta af gyðjunni Aþenu.