„Þetta er ekki epli“ er fínlega skrifað með svartri olíumálningu rétt fyrir ofan fallega málað epli á frægu málverki franska listamannsins René Magritte en verkið málaði hann aðeins þremur árum fyrir dauða sinn. Íslenski sviðslistamaðurinn Karl Ágúst Þorbergsson er sammála Magritte að því leyti að epli sé ekki epli eða bara epli heldur svo margt annað en Karl Ágúst hefur síðustu ár bæði ræktað epli í íslenskri veðráttu og fjallað um þau í list sinni og tengsl þeirra við heimsendi. 

„Eplið er ekki einungis ávöxtur heldur, eins og mynd Magritte bendir til með því að segja að eplið sé ekki epli, eitthvað annað en epli, þetta sé eitthvað meira eða einhver annar hlutur og ef maður fer að skoða táknfræði eplisins þá felur það í sér endalausar vísanir í mjög tragískt fall mannsins og heimsendi, drambsemi, hroka, draumóra og tálsýnir,“ segir Karl. 

Þetta er ekki epliHið fræga málverk Magritte …