Fyrir aukaspurning:

Hver er þessi kvikmyndastjarna?

***

Aðalspurning:

1.  Fyrir nokkrum árum gaf Hallgrímur Helgason út skáldsöguna Sextíu kíló af sólskini. Nú sendir hann frá sér bókina Sextíu kíló af ... hverju?

2. Í hvaða landi er borgin Strasbourg?

3.  Hver sendi frá sér plötuna Thriller árið 1982?

4.  Fyrir hvaða flokk sat Björt Ólafsdóttir á þingi fyrir nokkrum árum — og var umhverfisráðherra um hríð árið 2017?

5.  En fyrir hvaða flokk situr Inga Sæland nú á þingi?

6.  Hvaða ríki ræður Svalbarða?

7.  Í Gir-þjóðgarðinum á Indlandi búa nokkur hundruð dýr af ákveðinni tegund. Þau eru síðustu leifar þessarar dýrategundar sem einu sinni bjó um mestalla Asíu, en nú hvergi nema í Gir. Hvaða dýr eru þetta?

8.  Fyrir hvað er fornkonungsins Hammúrabís minnst?

9.  „Cogito, ergo sum.“ Hvað þýða þessi orð, sem eignuð eru franska heimspekingnum Descartes — þótt ýmsir hafi haft orð á hugmyndinni áður?

10.  Í hvaða heimsálfu er landið Vanuatu?

***

Aukaspurning sú hin seinni:

Hver er karlinn á myndinni hér að neðan?

***

Svör við aðalspurningum:

1.  Kjaftshöggum.

2.  Frakklandi.

3.  Michael Jackson.

4.  Bjarta framtíð.

5.  Flokk fólksins.

6.  Noregur.

7.  Ljón.

8.  Fyrir lögbók sem hann lét gera.

9.  „Ég hugsa, þess vegna er ég.“

10.  Eyjaálfu.

***

Svör við aukaspurningum:

Á efri myndinni er Mary Pickford.

Á neðri myndinni er Henrik prins sálugi, eiginmaður Margrétar Danadrottningar.