Ingi Tryggvason, formaður yfirkjörstjórnar í Norðvesturkjördæmi, var einn með kjörgögnum frá því að hann mætti í talningarsal á Hótel Borgarnesi klukkan 11:59 sunnudaginn 26. september þar til 12:35 eða í 36 mínutur en ekki í korter eins og áður hafði komið fram í svarbréfi Lögreglunnar á Vesturlandi til undirbúningsnefndar fyrir rannsókn kjörbréfa.
Þetta kemur fram í uppfærðum drögum undirbúningsnefndarinnar á málsatvikalýsingum á því hvað gerðist þann 26. september síðastliðinn við meðferð kjörgagna í Norðvesturkjödæmi að loknum Alþingiskosningum.
Á sama tíma og Ingi var eini meðlimur yfirkjörstjórnar sem var mættur í salinn, var starfsfólk hótelsins á ferðinni inn og út úr fremri sal aðalsalsins þar sem atkvæði voru talin og geymd, eða frá 11:59 til 12:28, að því er kemur fram í uppfærðri málsatvikalýsingu.
Fyrstu drögin ónákvæm
Í fyrstu drögum að málsatvikum sem nefndin birti á vef Alþingis var ekki stuðst við upptökur úr öryggismyndavélum Hótels Borgarness til að staðfesta nákvæmlega klukkan hvað hver meðlimur yfirkjörstjórnar mætti í salinn þar sem atkvæði vorum geymd óinnsigluð á meðan þeir hvíldust.
Í þeim drögum kom hins vegar fram vitnisburður yfirkjörstjórnarmeðlima á því hvenær þeir mættu og hvenær mikilvægir atburðir á borð við það að atkvæði Viðreisnar voru skoðuð og hverjir voru á staðnum. Þeir voru hins vegar ekki sammála því hvenær hvað hefði gerst, eins og kemur fram í umfjöllum Stundarinnar um hvað gerðist í Norðvesturkjördæmi þann 26. september.
Í uppfærðum drögum nefndarinnar, sem birtust á vef Alþingis þann 17. nóvember, hefur verið staðfest með upptökum úr öryggismyndavélum á hótelinu hvenær hver yfirkjörstjórnarmeðlimur mætti í salinn. Ingi mætti þar fyrstur allra og var einn í 36 mínútur þangað til næsti meðlimur yfirkjörstjórnar mætti klukkan 12.35. Sá þriðji mætti svo klukkan 12.50, sá fjórði klukkan 13.00 og sá fimmti og síðasti kom klukkan 13.03.
Af þessu að dæma var Ingi einn í salnum þegar Kristín Edwald hringdi í hann til að koma þeirri ábendingu á framfæri að lítill munur væri á atkvæðum Viðreisnar í Norðvesturkjördæmi og Suðurkjördæmi. Hann var þó ekki einn þegar hann hringdi í hana til baka og spurði hana hvort það væri nóg að kanna einungis atkvæði Viðreisnar.
Athugasemdir Inga við málsatvikum
Eftir að nefndin hafði gefið út fyrstu drög sín að málsatvikum fengu allir þeir sem nefndin fjallaði um og talaði við að senda henni athugasemdir.
Í athugasemdum Inga Tryggvasonar segir hann að athugun á atkvæðum Viðreisnar hafi ekki hafist fyrr en allir meðlimir yfirkjörstjórnar hafi verið mættir og það væri því rangt haft eftir einum meðlimi yfirkjörstjórnar að þegar hann mætti hafi kassi með Viðreisnar atkvæðum legið upp á borðum. „Ég fullyrði að þegar athugun á atkvæðum C-lista hófst hafi allir fulltrúar í yfirkjörstjórn verið viðstaddir og þeir allir tekið upp sitt hvorn atkvæða bunkann og hafið skoðun á þeim,“ segir í athugasemdum Inga.
Athugasemdir (6)
Endurtalning í Norðvesturkjördæmi
„Það er enginn dómari í eigin sök“
Þorvaldur Gylfason
Þingmenn sem brjóta lög
Fer með kosningamálið í Norðvesturkjördæmi til Mannréttindadómstóls Evrópu
Meðlimur í kjörstjórn kærir vegna „gruns um kosningasvik“ í Suðvesturkjördæmi
Þetta gerðist í Norðvestur
Og alveg augljóst ef friður á að ríkja um kosnigarnar að kjósa þarf aftur í öllum kj´ördamum svo ekki ísland fÁi á sig kaeru fyrir ógildar kosnigar eða að svindla hafi verið .
Taka verður af allann vafa ef friður á að ríkja .
Og allavega að kjósa aftur í norðaustur kjördami ,allAVAGA EF FRIÐUR Á AÐ NÁST UM ÞAER kosningar
Það er áríðandi að hafa þetta rétt svo hægt verði að byggja skaupið á staðreyndum!