Fyrri aukaspurning:
Í hvaða borg eru þessar spírur?
***
Aðalspurningar:
1. Hvaða fjallgarður skilur að Evrópu- og Asíuhluta Rússlands?
2. Á hvaða hljóðfæri í Bítlunum spilaði Paul McCartney aðallega?
3. Árni Magnússon er í Íslandssögunni kunnastur fyrir að hafa safnað ... hverju?
4. Vinsæll en umdeildur (einkum framan af) tölvuleikur sem til er í mörgum útgáfum gerist meðal annars í borgum sem kallaðar eru Liberty City, Vice City og San Andreas. Hvaða tölvuleikur er það?
5. Frances McDormand vann Óskarsverðlaun sem besta leikkonan í aðalhlutverki fyrr á þessu ári. En í hvaða mynd lék hún svo vel?
6. Þetta var í þriðja sinn sem hún fékk þessi eftirsóttu verðlaun. Hún fékk þau fyrst 1995 og svo 2017. Í fyrri myndinni lék hún óléttan lögreglustjóra, en hvað hét myndin? Þið megið svo sæma ykkur lárviðarstigi ef þið munið hvað myndin frá 2017 hét, stafrétt!
7. Í Indlandshafi eru nokkur eyríki, og þar af eru þrjú lítil ríki sem tilheyra Afríku. Nefna þarf að minnsta kosti tvö þeirra til að fá stig. Takið eftir orðinu „lítil“ — langstærsta eyríkið við Afríkustrendur Indlandshafs telst ekki með í þessari spurningu.
8. En meðal annarra orða — hvað heitir það?!
9. Og hvaða dýr, fjarskyld okkur mönnunum, búa nú aftur þar og hvergi annars staðar?
10. Bandarísku tvíburarnir Cameron og Tyler Winklevoss eru að ýmsu leyti afreksmenn. Þeir tóku þátt í róðrarkeppni á Ólympíuleikunum 2008 en eru nú kunnari sem athafnamenn, og hafa eignast mikil auðæfi í rafmynt og ýmsu þvíumlíku. Allra kunnastir eru tvíburarnir samt fyrir málarekstur sem þeir hófu árið 2004, aðeins 23 ára gamlir. Þá fóru þeir í mál við kunningja sinn og skólabróður sem þeir töldu hafa hlunnfarið sig illa. Hver var sá?
***
Seinni aukaspurning:
Hver er konan á myndinni hér að neðan?
***
Svör við aðalspurningum:
1. Úralfjöll.
2. Bassa.
3. Handritum.
4. Grand Theft Auto.
5. Nomadland.
6. Fargo. Myndin frá 2017 heitir Three Billboards Outside Ebbing, Missouri og þið þurfið að hafa nafnið nákvæmlega rétt til að fá lárviðarstig.
7. Comoros-eyjar, Seychelles-eyjar og Máritíus. Þið fáið sem sagt stig fyrir að nefna tvö af ríkjunum.
8. Madagaskar.
9. Lemúrar.
10. Zuckerberg forstjóri Facebook. Raunar fór fyrirtæki bræðranna í mál við Facebook en við orðum þetta svona.
***
Svör við aukaspurningum:
Konan á neðri myndinni er Jóhanna Sigurðardóttir, fyrrum forsætisráðherra.
Hér má sjá myndina í heilu lagi.
Spírurnar á efri myndinni tilheyra Gaudi-dómkirkjunni í Barcelona.
Spurningaþrautin
Fyrri grein
566. spurningaþraut: Hvaða skötuhjú eru annáluð fyrir flærð og lygar?
Næsta grein
Athugasemdir