Hér er komin fyrri aukaspurning:
Ungi maðurinn hér að ofan var handtekinn árið 1961, grunaður um að hafa ólöglegt vopn undir höndum. Hvað hét hann og heitir enn?
***
Aðalspurningar:
1. Árið 1790 varð Ólafur nokkur æðsti embættismaður Dana á Íslandi og var hann fyrsti Íslendingurinn sem gegndi því tiltekna embætti. Ólafur og þó aðallega afkomendur hans notuðu danska útgáfu af föðurnafni hans sem ættarnafn, og urðu helsta valdastétt landsins næstu öldina. Hvernig var þessi danska útgáfa af föðurnafni Ólafs?
2. En hvað kallaðist starfið sem Ólafur tók að sér 1790?
3. Við hvaða borg er kjötrétturinn snitsel oft kenndur?
4. Um hvaða slóðir á Íslandi siglir ferjan Baldur alla jafna?
5. En hvar á Íslandi hefur íþróttafélagið Skallagrímur aðsetur?
6. Hvaða höfundur skrifaði um réttarhöld yfir manni sem var handtekinn og dreginn fyrir dómstól án þess að nokkurn tíma kæmi fram hver glæpur hans átti að vera?
7. Hvað nefnist þjóðarréttur Ungverja: smátt skornir kjötbitar í sósu með ýmislegu grænmeti?
8. Hvað hét kærastinn hennar Bonnie?
9. Hvernig á hárið á Marge Simpson á litinn?
10. Hver var örlagaríkasti atburðurinn sem varðaði Ísland og gerðist 7. júlí 1941?
***
Seinni aukaspurning:
Hver er sú hin vinsæla söngkona á myndinni hér að neðan?
***
Svör við aðalspurningum:
1. Stephensen.
2. Stiftamtmaður.
3. Vínarborg.
4. Breiðafjörð.
5. Borgarnes.
6. Kafka.
7. Gúllas.
8. Clyde.
9. Blátt.
10. Bandaríkin tóku við hervernd Íslands.
***
Svör við aukaspurningum:
Á efri myndinni er filmstjarnan Al Pacino.
Á neðri myndinni er Adele.
Spurningaþrautin
Fyrri grein
564. spurningaþraut: Hvar er þessi kirkja, með leyfi?
Næsta grein
Athugasemdir