Sjálf­virkni­væð­ing í mat­vöru­versl­unum hefur ekki valdið fækkun starfs­fólks og mun ekki gera það í fyr­ir­sjá­an­legri fram­tíð, að sögn for­svars­fólks versl­an­anna. Að sama skapi vill það ekki meina að beinn hagn­aður hafi orðið af upp­töku slíkra lausna heldur hafi þær bætt þjón­ustu við við­skipta­vini. Hið sama má segja um net­verslun sem í raun hafi aukið kostnað hjá þeim versl­unum sem upp á hana bjóða. Fram­kvæmda­stjóri Bónuss segir til að mynda að úti­lokað sé fyrir fyr­ir­tækið að bjóða upp á net­verslun, álagn­ing á vörur versl­un­ar­innar leyfi það ein­fald­lega ekki.

Áhyggjur hafa vaknað hjá fólki um að með þess­ari þróun muni störfum í versl­un­ar­geir­anum fækka, með til­heyr­andi auknu atvinnu­leysi. For­svars­menn versl­un­ar­innar halda því fram að svo hafi ekki orðið raunin enn sem komið er og jafn­framt sjá þeir ekki fyrir sér að svo verði á næst­unni hið minnsta. Formaður Versl­un­ar­manna­fé­lags Reykja­víkur, Ragnar Þór Ing­ólfs­son, segir hins vegar ljóst að svo muni verða til …