515. spurningaþraut: Hver krýpur þar og hvers vegna?

Fyrri auka­spurn­ing:

Hvað er að ger­ast á mynd­inni hér að ofan? Hversu nákvæmt svarið þarf að vera kemur í ljós hér að neðan, þar sem svarið er gefið.

***

Aða­spurn­ingar:

1.  Árið 2013 lenti heims­frægur kappakst­urs­maður og marg­faldur heims­meist­ari í Formula 1 í slysi og hefur síðan glímt við erf­iðar afleið­ingar þess. Hvað heitir hann?

2.  En hvað var hann að gera þegar hann lenti í slys­inu?

3.  „Vits er þörf / þeim er víða ratar.“ Úr hvaða kvæða­bálki er þetta? Lár­við­ar­stig fæst síðan fyrir að kunna næstu línu orð­rétta.

4.  Hvaða tón­list­ar­maður gaf út þrjár plötur á átt­unda ára­tugnum sem eru í sam­ein­ingu kall­aðar Berlínar-tríló­gían?

5.  Nefnið að minnsta kosti tvær af þessum plötum.

6.  Hvað hétu tveir elstu synir Adams og Evu?

7.  Í hvaða landi er höf­uð­borgin Tblisi?

8.  Almar Atlason vakti heil­mikla athygli árið 2015 fyrir gjörn­ing sem hann fram­væmdi. Í hverju fólst sá gjörn­ingur?

9.  Hvar á Íslandi er Hell­is­sandur?

10.  Fyrir hvað er Agneta Åse Fältskog þekkt­ust?

***

Seinni auka­spurn­ing:

Hvað er að sjá á mynd­inni hér að neðan?

***

Svör við aðal­spurn­ingum:

1.  Schumacher.

2.  Hann var á skíðum.

3.  Þetta er úr Háva­málum. Næsta lína hljóðar svo: „Dælt er heima hvað.“

4.  David Bowie.

5.  Plöt­urnar hétu Low, Heroes og Lodger. Það er sem sagt nóg að muna nöfn tveggja til að fá hér stig.

6.  Kaín og Abel.

7.  Georgíu.

8.  Að vera allsnak­inn í gler­kassa á almanna­færi. Hann var þar í viku­tíma en ekki er nauð­syn­legt að hafa tím­ann réttan.

9.  Á Snæ­fells­nesi.

10.  Fyrir að vera söng­kona í ABBA.

***

Svör við auka­spurn­ingum.

Á efri mynd­inni er Willy Brandt kansl­ari Vestur-Þýska­lands að krjúpa við minn­is­merki um gettó Gyðinga í Varsjá árið 1970 til að biðj­ast fyr­ir­gefn­ingar á hel­för­inni. Nóg er að vita að þarna sé Brandt, þáver­andi leið­togi Þjóð­verja, að biðj­ast afsök­unar á hel­för­inni.

Á neðri mynd­inni má sjá hluta af reiki­stjörn­unni Sat­úrnusi.