Fyrri aukaspurning:

Hvern má sjá á myndinni hér að ofan?

***

Aðalspurningar:

1.  Árið 2015 lét Haraldur Briem af tilteknu embætti enda orðinn sjötugur. Haraldur hafði gegnt þessu starfi í 18 ár. Hvað hét eftirmaður Haraldar í starfi?

2.  Árið 1972 gerðu þrír hryðjuverkamenn vélbyssuárás á farþega og starfsfólk á flugvelli einum í Ísrael. Þeir drápu 26 manns og særðu nærri 100. Árásin var gerð í nafni palestínskra hryðjuverkasamtaka en árásarmennirnir þrír komu frá allt öðrum samtökum og allt öðru landi. Hvaðan komu þeir?

3.  „Wombat“ kallast dýr eitt en af því eru reyndar til nokkrar tegundir. Á íslensku er „wombat“ nefnt „vambi“. Sérkennilegt er að vambar búa upprunalega aðeins í einu landi heimsins. Hvaða land er það?

4.  Hver sagði af sér ráðherraembætti á Íslandi árið 2014?

5.  Hvað heitir sú forna trjákvoða sem þykir mikið gersemi og er meðal annars kunn fyrir að geyma milljónatuga gömul skordýr?

6.  Fyrir fáeinum vikum lést fyrrverandi ritstjóri Morgunblaðsins en hann hafði gegnt starfinu samfleytt 1972-2008. Hvað hét hann?

7.  Þessi ritstjóri átti náið og gott samstarf við annan ritstjóra Morgunblaðsins sem lét af störfum 2001. Sá hefur mörg járn í eldinum og er afkastamikið og virt ljóðskáld. Hvað heitir hann?

8.  Hver fékk Óskarsverðlaun sem besta leikkonan í aðalhlutverki árið 1991 fyrir að túlka unga metnaðargjarna FBI-lögreglukonu?

9.  Hver er næst fjölmennasti þéttbýlisstaður á Íslandi á eftir höfuðborginni Reykjavík?

10.  Skelfileg kjaftasaga um eina mikla valdakonu á 18. öld hermir að hún hafi verið svo kynferðislega áhugasöm að hún hafi meðal annars átt mök við hest, og jafnvel að hún hafi dáið við þær aðfarir. Þetta er tóm vitleysa, en hvaða kona var aðalpersónan í þessari slúðursögu?

***

Seinni aukaspurning:

Hvaða fána má sjá hér að neðan?

***

Svör við aðalspurningum:

1.  Þórólfur Guðnason.

2.  Þremenningarnir voru japanskir.

3.  Ástralía. Vambar eru pokadýr.

4.  Hanna Birna.

5.  Raf.

6.  Styrmir Gunnarsson.

7.  Matthías Johannessen.

8.  Jodie Foster.

9.  Kópavogur.

10.  Katrín mikla.

***

Svör við aukaspurningum:

Á efri myndinni má sjá Gandhí andlegan leiðtoga Indverja framan af 20. öld.

Á neðri myndinni er fáni Írans.

***

Og hér enn neðar eru hlekkir á eldri þrautir.