Norskur eig­andi lax­eld­is­fyr­ir­tæk­is­ins Arnarlax á Bíldudal hefur lagt fram til­boð upp á 166 millj­arða króna, 11,8 millj­arða norskra króna, í eig­anda lax­eld­is­fyr­ir­tæk­is­ins Arctic Fish á Ísafirði.  Þetta kemur fram í til­kynn­ingu til norsku kaup­hall­ar­innar í morgun sem og í norskum fjöl­miðlum.

Yfirbýður með 18 milljörðum

Eigandi Arnarlax heitir Salmar og eig­andi Arctic fish heitir Norway Royal Salmon. Annað norskt lax­eld­is­fyr­ir­tæki, NTS, hafði fyrir lagt fram yfir­tökutil­boð í hlut­bréf Norway Royal Salmon. Salmar yfir­býður NTS nú með til­boði sínu sem er rúm­lega 18 millj­örðum hærra, eða 1,3 millj­örðum norskra króna.

Eftir að til­boðið var lagt fram ruku hluta­bréfin í Norway Royal Salmon upp um 13,58 pró­sent og voru við­skipti með bréfin stöðvuð tíma­bundið í kjöl­farið. Samtímis hækk­uðu hluta­bréf í íslensku lax­eld­is­fyr­ir­tækj­unum Arctic Fish og Arn­ar­laxi, sem bæði eru skráð í norsku kaup­höll­ina, um 4 pró­sent í morgun. Norskir fjöl­miðlar segja að vel geti verið að enn hærra til­boð í fyr­ir­tækið …