Áslaug Arna Sig­ur­björns­dóttir dóms­mála­ráð­herra innti lög­reglu­stjór­ann á höf­uð­borg­ar­svæð­inu um afsök­un­ar­beiðni síð­degsis á aðfanga­dag, eftir að í dag­bók lög­reglu hafði verið greint frá því að hátt í fimm­tíu manns hefðu verið á sölu­sýn­ingu í lista­safn­inu Ásmund­ar­sal, and­stætt sam­komu­tak­mörk­unum, og „þar á meðal einn hátt­virtur ráð­herra í rík­is­stjórn Íslands“. Fram kom síðar að ráð­herr­ann var sam­flokks­maður og for­maður flokks Áslaugar Örnu, Bjarni Bene­dikts­son. Nið­ur­staða máls­ins er að brot var framið gegn sótt­varn­ar­lögum, en síðar hefur nefnd um eft­ir­lit með lög­reglu meðal ann­ars fjallað um ummæli lög­reglu­manna í sam­tali þeirra á vett­vangi.

Rík­is­út­varpið greinir frá þessu í dag eftir heim­ildum af fundi lög­reglu­stjór­ans, Höllu Bergþóru Björns­dóttur, með stjórn­skip­unar- og eft­ir­lits­nefnd Alþingis í mars síð­ast­liðnum. Þar sem trún­aður ríkti um efni fund­ar­ins hafa upp­lýs­ing­arnar um hvernig Áslaug Arna beitti sér í máli sem varð­aði for­mann flokks hennar ekki komið fram áður.

Hringdi tvisvar á aðfangadag

Fram kemur að Áslaug Arna hringdi tvisvar í lög­reglu­stjór­ann á aðfanga­dag í fyrra. Seinna sím­talið var klukkan hálf fimm síð­degis. Þá var orðið ljóst að nefndur ráð­herra hefði verið Bjarni Bene­dikts­son. Í sím­tal­inu spurði Áslaug lög­reglu­stjór­ann hvort beðist yrði afsök­unar á því að lög­reglan til­greindi að ráð­herra hefði verið við­staddur.

Nið­ur­staða rann­sóknar lög­reglu var að eig­endur stað­ar­ins hlutu sektir fyrir sótt­varna­brot, en gest­irnir, þar á meðal Bjarni Bene­dikts­son, voru ekki sér­stak­lega til rann­sóknar vegna aðildar sinnar. Brotið var gegn grímu­skyldu, en á staðnum var tölu­verð áfeng­is­neysla. Við­burð­ur­inn var skil­greindur sem sölu­sýn­ing og skil­greindu eig­endur stað­ar­ins hann því sem verslun, sem mætti taka við allt að 100 manns. „Við höfum áður geng­ist við því að ekki var nægi­lega gætt að því að allir gestir bæru grímu öllum stundum í öllum rýmum lista­sýn­ing­ar­innar,“ sögðu eig­end­urnir í yfir­lýs­ingu vegna nið­ur­stöð­unnar.

Lögreglumenn í sigtinu

Þá var mál­inu þó ekki lokið. Nefnd um eft­ir­lit með lög­reglu komst að þeirri nið­ur­stöðu að hátt­semi tveggja lög­reglu­manna á vett­vangi hefði verið „ámæl­is­verð“ og leggur til að Lög­reglu­stjór­inn á höf­uð­borg­ar­svæð­inu taki fram­ferði þeirra til skoð­unar. Formaður nefnd­ar­innar, sem telur þrjá með­limi, er skip­aður af dóms­mála­ráð­herra, sem þá var Sigríður Á. Andersen.

Á upp­tökum úr búk­mynda­vélum lög­reglu­mann­anna heyr­ist eft­ir­far­andi sam­tal: 

Annar lög­reglu­mann­anna: „Hvernig yrði frétta­til­kynn­ingin… 40 manna einka­sam­kvæmi og þjóð­þekktir ein­stak­lingar… er það of mikið eða?“

Hinn lög­reglu­mað­ur­inn svarar: „Ekki fyrir mig, ég myndi lesa það…“

Og segir einnig: „Ég þekkti tvær stelpur þarna uppi og þær eru báðar sjálf­stæðis… svona… frama­potarar eða þú veist.“

Áslaug Arna hefur sem dóms­mála­ráð­herra lýst því yfir að hún muni ræða við lög­reglu­stjóra vegna þess að átt hafi verið við upp­tökur úr búk­mynda­vélum lög­reglu­manna. Hún muni þrýsta á að öll gögn komi fram. Lög­reglu­menn hafa hins vegar gagn­rýnt harð­lega að einka­sam­töl þeirra séu birt án ástæðu. 

Gagnrýnir nýja frétt um símtöl ráðherrra

Björn Bjarna­sonFyrr­ver­andi dóms­mála­ráð­herra sakar Rík­is­út­varpið um kosn­inga­á­róður vegna fréttar af sím­tölum ráð­herra til lög­reglu­stjóra.

Mynd: PressPhotos

Fyrr­ver­andi dóms­mála­ráð­herra úr Sjálf­stæð­is­flokknum, Björn Bjarna­son, hefur í dag gagn­rýnt frétta­flutn­ing af mál­inu. Hann sakar frétta­mann­inn, Sunnu Val­gerð­ar­dóttur, um að taka þátt í kosn­inga­bar­áttu með því að flytja frétt­ina af sam­skiptum dóms­mála­ráð­herra við lög­reglu­stjóra. „Þegar sjálf Sunna Val­gerð­ar­dóttir kemur ábúð­ar­mikil í upp­hafi frétta­tíma og les leka frá stjórn­ar­and­stöð­unni um sam­tal við lög­reglu­stjóra á trún­að­ar­fundi með stjórn­skip­unar- og eft­ir­lits­nefnd vegna sím­tals fyrir hálfu ári út af sam­kvæmi á Þor­láks­messu er fokið í öll skjól þeirra sem leggja allt undir til að halda lífi í mál­inu. Lög­reglu­stjór­inn hefur sektað hús­ráð­endur og situr uppi með til­mæli frá eft­ir­lits­nefnd með störfum lög­reglu­manna vegna ámæl­is­verðrar fram­göngu þeirra lög­reglu­manna sem hlut áttu að máli. Lyktum máls­ins er sleppt í frétt­inni en til­gangur hennar er vind­högg á dóms­mála­ráð­herra í von um að bæta stöðu þeirra sem blésu þetta smá­at­vik úi fyrir öll skyn­sam­leg mörk: frétta­stofu RÚV, Kjarnann, Sam­fylk­ing­una og Pírata. Nú er blásið til kosn­inga­bar­áttu!“ segir hann á Facebook-síðu sinni.