„Það er lík­legt að hraun renni þarna undir,“ segir Böðvar Sveins­son, nátt­úru­vá­r­sér­fræð­ingur hjá Veð­ur­stofu Íslands, um athæfi fólks sem gekk yfir hraun­breið­una í Nátthaga seinni part­inn í dag. „Lífs­hættu­legt að stíga út á hraunið. Mik­il­vægt sé því að fólk fari aldrei út á hraunið,“ segir í til­kynn­ingu frá lög­reglu. Á fimmta tím­anum í dag voru sam­tímis þrjú pör gang­andi langt inni á rjúk­andi hraun­breið­unni.

Vaxandi fjöldi erlendra ferða­manna kemur að gossvæð­inu og er hraunjað­ar­inn í Nátthaga aðeins í um hálf­tíma­göngu­fjar­lægð frá Suð­ur­strand­ar­vegi. Ekki er ljóst hvort um erlenda ferða­menn eða íslenska er að ræða, en stór hluti þeirra sem kemur að hraun­inu er ferða­fólk erlendis frá.

Böðvar segir hraun­rennsli hafa hald­ist stöðugt. Enn bæt­ist því í hraunið í rásum sem liggja undir storkn­aðri hell­unni, en hátt í 1.300 gráðu heitt hraunið getur brotið sér leið upp og runnið ofan á. „Það er sjóð­andi hraun þarna undir og það geta komið hrauntjarnir. Það er hraun að renna undan og það kemur bara ein­hvers staðar. Fólk er að taka svaka­lega áhættu að ganga þarna.“

Komin af hraun­inuFólkinu varð ekki meint af göng­unni yfir hraunið, sem nú hleðst upp.

Mynd: mbl.is

Þótt rjúki úr öllu hraun­inu í Nátthaga er ástæðan að hluta til rign­ingin sem lendir á heitu hraun­inu og gufar upp.

Hægst hefur á fram­gangi hrauns­ins í Nátthaga og var fólk um helg­ina við hraunjað­ar­inn. Á sama tíma hefur hraun­rennslið breyst í Mer­ar­dölum. Þar rennur nú hraun aftur til norð­urs eftir að suð­ur­svæði dals­ins hefur fyllst.

Björg­un­ar­sveit­ar­fólk og land­verðir eru stað­settir við gossvæðið og hafa það hlut­verk að leið­beina ferða­fólki. Þá eru land­eig­endur með yfir­stand­andi inn­heimtu fyrir bíla­stæði við svæðið, en ekki er að sjá að þjón­usta eða leið­bein­ingar fylgi þeirri inn­heimtu. Ekki náð­ist í full­trúa land­eig­enda við vinnslu frétt­ar­innar.

Lélegt skyggni er við gos­s­töðv­arnar og lítið sést á vef­mynda­vélum. Með­fylgj­andi myndir hér að neðan voru teknar í Nátthaga í gær.

Við end­ann í NátthagaErlend ferða­kona situr við enda ann­arrar hrauntung­unnar í sím­anum.

Mynd: Jón Trausti Reyn­is­son

Innst í NátthagaHraun byrj­aði að renna í Nátthaga niður úr Syðri-Mer­ar­dölum fyrir mán­uði síðan.

Mynd: Jón Trausti Reyn­is­son

Slakað við hrauniðÍslend­ingar sem erlendir ferða­menn sátu við enda stóru hrauntung­unnar í Nátthaga í gær. Margir skemmtu sér við að grýta hraunið eða brjóta upp úr því.

Mynd: Jón Trausti Reyn­is­son

Göngu­leiðin að hraun­inuBúist hefur við því að eftir nokkrar vikur muni hraunið renna hér upp úr Nátthaga og stefna að Suð­ur­strand­ar­vegi. Þó hefur hægst á fram­rásinni, en hraunið haldið áfram að stafl­ast upp.

Mynd: Jón Trausti Reyn­is­son