Eimskipafélag Íslands hefur viðurkennt að hafa átt ólöglegt samráð við Samskip og samþykkt að greiða 1,5 milljarða króna vegna þessa í ríkissjóð. Skipafélagið hefur gert sátt þess efnis við Samkeppniseftirlitið eftir að hafa verið til rannsóknar fyrir brotin síðan 2013. Samskip hafa aftur á móti enga sátt gert og eru enn til rannsóknar fyrir brotin sem Eimskip hefur gengist við. Stjórnarformaður Eimskips fullyrti á síðasta ári að rannsókn eftirlitsins hafi verið ólögleg. 

Málið snýst um samráð sem Eimskip og Samskip áttu í frá 6. júní 2008 þegar forsvarsmenn félagsins áttu fund. Fyrirtækin höfðu samráð um breytingar á siglingakerfum, um skiptingu á mörkuðum eftir stærri viðskiptavinum og um álagningu gjalda og afsláttarkjör. Í tilkynningu frá Samkeppniseftirlitinu vegna sáttarinnar segir einnig að Eimskip viðurkenni að hafa brotið samkeppnislög með því að veita ekki nauðsynlegar og réttar upplýsingar við rannsókn málsins. 

Skilja má yfirlýsingu Samkeppniseftirlitsins sem svo að sektin hafi verið lægri en …