„Hamingjan er að vera sáttur. Hamingjan er að geta sofið og vaknað glaður; það er helst það að manni líði bara vel og vakni glaður á morgnana til að takast á við þau verkefni sem fram undan eru,“ segir Felix Bergsson.

Hann segir að helstu hamingjustundirnar í lífi sínu tengist fyrst og fremst fjölskyldunni. „Ég á miklar hamingjustundir með börnunum mínum og tengdabörnum þegar þau koma til okkar, sitja með okkur, ræða málin og borða góðan mat; þá fyllist ég mikilli hamingju. Og í seinni tíð veitir það mér mikla hamingju að leika við barnabörnin og finna tengslin sem eru að myndast. Stundum tárast ég af hamingju þegar ég hugsa til þeirra. Það nægir mér.“

Felix og eiginmaður hans, Baldur Þórhallsson, eiga tvö uppkomin börn og tvö barnabörn.

„Svo á ég miklar hamingjustundir með eiginmanninum og þær geta verið mismunandi. Oft og tíðum eigum við okkar hamingjustundir á ferðalögum þar …