Boðað var til öskur­mót­mæla fyrir utan Hér­aðs­dóm Reykja­víkur um hádegi í dag. Öskrið beind­ist gegn órétt­læti á sama tíma og það var krafa um breyt­ingar í kjöl­far þeirrar umræðu sem hefur átt sér stað síð­ast­liðna daga  um kyn­ferð­is­of­beldi og þolendur þess. 

Stundin fór á vett­vang og hitti mót­mæl­endur og þær konur sem stóðu á bak­við þau. 

Magnea Björk Valdi­mars­dóttir, ein þeirra sem skipu­lögðu mót­mælin sagð­ist hafa efnt til þeirra vegna þess að „önnur hver kona lendir í því á lífs­leið sinni að vera áreitt kyn­ferð­is­lega eða nauðgað.“ ástæða þess að mót­mælin áttu sér stað fyrir utan hér­aðs­dóm segir hún vera að í mörgum til­vikum hafi „ofbeld­is­menn kom­ist upp með verkn­að­inn“ og bætir við að „Það krefst mik­ils hug­rekkis að leita réttar síns og það eru fæstir sem hafa sig í það, árið 2021 og það er svo absúrd. Við viljum að sam­fé­lagið sé allt með okkur í þessu, “ segir Magnea. 

Við krefjumst breytinga

Katrín Harð­ar­dóttir, einn mót­mæl­enda, segir kraft í öskr­inu þegar hún var spurð hver hug­mynda­fræðin væri á bak við það að öskra í mót­mæla­skyni við þetta tæki­færi.  Magnea tekur undir með henni og bætir við að þær séu með öskr­inu að veita öðrum rödd. „Við erum að veita öðrum rödd sem hafa ekki rödd. Þegar þú lendir í ofbeldi, þegar þú verður fyrir ofbeld­is­árás, eru tvö við­brögð. Það er ann­ars vegar að lam­ast eða að berj­ast fyrir lífi þínu,“ segir hún og segir öskrið vera öskur til sam­stöðu.

Þetta er ekki í fyrsta skipti sem Magnea og Katrín koma saman og öskra gegn órétt­læti en þær segja frá því þegar að fjórar konur komu saman við Sólfarið og öskr­uðu saman. „Svona byrja litlar bylt­ingar. Fjórar konur koma saman á mið­viku­dags­kvöldið við Sólfarið og öskr­uðu á sjó­inn,“ segir Magnea. Þaðan segir hún hug­mynd­ina hafa sprottið að öskra saman fyrir utan Hér­aðs­dóm Reykja­víkur.

Skiptir máli að öll kynin taki þátt

Stundin ræddi við Heiðu Haf­dís­ar­dóttur, einn mót­mæl­anda sem sagð­ist hafa mætt vegna ofbeldis sem hún varð fyrir sem barn og til þess að sýna öðrum þolendum sam­stöðu. Aðspurð um það hvað þýð­ingu nýja Metoo bylgjan hefur fyrir henni segir Heiða að það sé gott að hún hafi átt sér stað. „Allt sem veldur því að við tölum saman, tökum sam­talið, allt sem veldur því að við finnum fyrir meiri sam­stöðu er gott. Ég held að það skipti líka máli að það séu bæði kynin sem taki þátt í þessu í sam­stöðu,“ segir hún. 

Að mati Heiðu hefur sam­fé­lagið sent röng skila­boð til ungra drengja um það hvað þeir mega og hvað þeir mega ekki. „Skila­boðin þurfa að vera skýr­ari og kannski má taka inn í skóla­kerfið hjá þeim strax þegar þeir eru tíu eða tólf ára um það hvað sé óhætt að gera. Ég held að bæði kynin fari mjög ómeð­vituð og illa áttuð inn í ung­lings­árin og það er þetta sem þarf að taka á held ég.“ 

Heiða hefur trú á því að bylgjan muni hafa áhrif. „Kannski ekki ein­hver stór áhrif en hver dropi skiptir máli, drop­inn holar stein­inn, það er eins með þetta. Í hvert skipti sem við vekjum máls á órétt­læti að þá held ég og vona að það hafi alltaf ein­hver áhrif. Ég veit að þau fjara alltaf út en ég held að það verði alltaf eitt­hvað smá eftir.“